Innlent

Síðasti þáttur Sprengisands fyrir jól

Sylvía Hall skrifar

Síðasti þáttur Sprengisands fyrir jól hefst á Bylgjunni í dag klukkan 10. Þar verður farið yfir víðan völl og ýmislegt gert upp fyrir jólin.

Ólafur Sigurðsson framkvæmdastjóri Birtu lífeyrissjóðs ætlar að fjalla um afskiptasemi Seðlabankastjóra af fjárfestingum lífeyrissjóða og tala margt fleira um stöðu og hlutverk sjóðanna.

Þá mæta þau Halla Signý Kristjánsdóttir, þingmaður Framsóknarflokksins, og Guðjón Sigurbjartsson, stjórnarmaður í Neytendasamtökunum, og ræða nýja matvælastefnu, riftun á tollasamningi um landbúnaðarvörur við Evrópusambandið og fleira sem tengist landbúnaðarvörum og framleiðslu þeirra.

Að lokum mæta þeir Guðni Jóhannesson orkumálastjóri og Tryggvi Felixson formaður Landverndar og halda áfram umræðu um Hálendisþjóðgarð, orkuáform á hálendinu og friðun stórs hluta Íslands fyrir stórframkvæmdum.

Sprengisandur er venju samkvæmt á dagskrá á Bylgjunni frá klukkan 10 til 12.

Sprengisandur
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið