Einfaldlega slys og enginn að fikta með gas Kolbeinn Tumi Daðason skrifar 16. mars 2020 10:55 Aron Kristján fékk spýtu úr kojunni fyrir ofan sig á milli augnanna. Hann er þakklátur fyrir að spýtan fór ekki í annað augað. „Þetta er það furðulegasta og óþægilegasta sem ég hef upplifað,“ segir Aron Kristján Sigurjónsson 26 ára Hafnfirðingur. Óhætt er að segja að Aron Kristján, Sóley kærasta hans og fjórir vinir hafi sloppið með skrekkinn þegar þau vöknuðu við sprengingu í sumarbústað nærri Blönduósi á laugardagsmorgun. Hann segir sexmenningana afar þakkláta öllum viðbragðsaðilum og finnst rétt að taka fram, til að hafa smá hemil á netverjum í grínham, að þau hafi ekki verið að sniffa gas. Vöknuðu á slaginu 11:03 Aron lýsir því í samtali við Vísi að um ósköp venjulega sumarbústaðaferð hafi verið að ræða. Þau hafi mætt á svæðið laust fyrir miðnætti á föstudag, mokað sér leið inn í húsið í gegnum snjóinn og komið sér fyrir. Allt fór á hliðina í svefnrýminu. Vatnslaust var í húsinu, að líkindum vegna frosinna lagna, en rafmagnið virkaði. „Við settumst við stofuborðið, spiluðum spil, drukkum bjór og hlógum. Sem var einmitt ástæða ferðarinnar, að þétta hópinn og hafa gaman.“ Þau hafi setið fram á nótt í góðum gír og svo farið að sofa. Öll vöknuðu svo á slaginu þrjár mínútur yfir ellefu en ekki útaf samstilltum vekjaraklukkum. Spýta í andlitið „Við vöknum við sprengingu sem olli því að sumarbústaðurinn fór vægast sagt í tætlur,“ segir Aron Kristján. Myndirnar tala sínu máli en tæknideild lögreglu hefur tjáð Aroni Kristjáni að um gassprengingu hafi verið að ræða. „Ég vakna ekki við lætin heldur að þung spýta springur í andlitið á mér, eflaust frá kojunni sem var fyrir ofan tvíbreiða rúmið þar sem við Sóley sváfum. Þá þegar er mig hálfpartinn enn að dreyma og af einhverjum ástæðum var ég viss um að það væri trukkur að keyra inn í bústaðinn. Flótlega tek ég eftir að úr enninu mínu spýtist mikið blóð. Ég næ að nota sængina mína til að reyna að stöðva blæðinguna. Við Sóley hrópuðum handahófskennd orð af hræðslu og ótta til að tryggja fyrir hvoru öðru að við værum enn með meðvitund. Á sama tíma hrynja yfir okkur spýtur bæði úr veggjum og lofti og festumst við þar undir.“ Spýtur brotnuðu og dreifðust víða um sumarbústaðinn. Þetta hafi gerst á örfáum sekúndum en tíminn liðið afar hægt. „Sprengingin átti sér stað í skúrnum hliðina á herberginu sem við gistum í og því voru veggir á hlið og herbergið í raun alveg á hvolfi.“ Þakklátur fyrir hvernig vinirnir stóðu saman „Viðbragðsaðilar voru komnir áður en við náðum að skella á og fóru með okkur á Sjúkrahúsið á Akureyri. Ég er með stórt gat og stóran skurð á enninu. Neðri framtönn brotin. Tognaður víða um líkamann og marinn sömuleiðis. Ég er þakklátur fyrir það hvernig við vinirnir unnum saman og hjálpuðum hvoru öðru,“ segir Aron Kristján. Hann segir í færslu á Facebook þakklátur viðbragðsaðilum og öllu því starfsfólki sem kom að málinu. „Þið náðuð að róa okkur með svo faglegum vinnubrögðum við erfiðar aðstæður. Síðan þykir okkur gott að tala opinskátt um þetta því áfallið mun verða erfiðasta sárið til að gróa og það hjálpar að útskýra hvað gerðist,“ segir Aron Kristján. Þau munu fá áfallahjálp frá Rauða krossinum í dag. Voru ekki að sniffa gas Þá bendir hann fólki á að aðgátina góðu. „Þó við skiljum að fólk grínist með þetta. Við vorum ekki að „gasa“ eða hvað sem það kallast og við komum ekki nálægt neinu grilli eða gasi. Þetta var slys og ekkert okkar gerði neitt til að valda því. Það erfiðasta við þetta allt saman er að það er ómögulegt að tengja þetta við raunveruleikann og ná hugarró. Gassprengingar eru okkur enn fjarstæðukenndar þrátt fyrir að við urðum fyrir slíkri.“ Bústaðurinn er afar mikið skemmdur eftir sprenginguna. Hann telji þau vinina hafa sloppið merkilega vel. Einn fór líklega úr og í axlarlið í hamaganginum, kærasta hans er með rispur út um allan líkama og tognuð og marin. Þá er hann sjálfur ekki höfuðkúpubrotinn þótt sést hafi í hana útaf gati sem hann fékk í hausinn. Aron er þakklátur fyrir að spýtan sem small á milli augna hans fór í hvorugt augað. Þá segist hann sömuleiðis þakklátur fyrir að gaskúturinn, sem líklega sé af grilli í bústaðnum, hafi sprungið en ekki lekið inn í rýmið þar sem allir voru sofandi. Þá hefði ekki þurft að spyrja að leikslokum. Sjúkraflutningar Slökkvilið Húnavatnshreppur Tengdar fréttir Ungt fólk flutt á slysadeild eftir sprengingu í sumarbústað Sex ungmenni voru flutt á slysadeild eftir að sprenging var í sumarbústað í Langadal í morgun. 14. mars 2020 13:34 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Breiðholt mesta fátæktargildra landsins“ Innlent Sigríði þykir ólíklegt að hún nái undirskriftum Innlent Útlagar spreyjaðir gylltir Innlent Auglýsa eftir „eiganda“ fjármuna Innlent Tíu sektaðir vegna notkunar nagladekkja Innlent „Ákveðnar efasemdir um ákveðna þætti“ Innlent Dómi Harvey Weinstein snúið við Erlent Ögurstund og opnunarhóf hjá frambjóðendum Innlent Helga Þórisdóttir komin með lágmarksfjölda meðmæla Innlent Tveir létust í banaslysi í Eyjafirði Innlent Fleiri fréttir Framboðslistar opinberaðir eftir helgi Auglýsa eftir „eiganda“ fjármuna Glæsileg þjóðbúningamessa á Hvolsvelli Ögurstund og opnunarhóf hjá frambjóðendum Forsetaslagurinn, leit að eiganda fjármuna og rjómablíða Fjölbreytt verkefni hjá björgunarsveitum í dag Útlagar spreyjaðir gylltir Helga Þórisdóttir komin með lágmarksfjölda meðmæla Sinueldur í Reykjanesbæ Pétur Einarsson leikari látinn Kólnar á öllu landinu eftir óvenjugóðan fyrsta sumardag „Ákveðnar efasemdir um ákveðna þætti“ Fimm teravött af orku og 20 milljarðar í samgöngur Seltjarnarnesbær gengur frá sölu á Safnatröð Sigríði þykir ólíklegt að hún nái undirskriftum Umdeilt frumvarp, íslenskan og sumarveðrið Eiríkur og Bjarni takast á um nefnd um íslenska tungu Ræða mest málefni íslenskunnar á fundum enskumælandi ráðs Tíu sektaðir vegna notkunar nagladekkja „Breiðholt mesta fátæktargildra landsins“ Segir borgarstjóra óttalegan vettling Vilja taka upp auðlindagjald að hætti Norðmanna „Dapurlegt“ að andstæðingar bólusetninga hafi svo mikil áhrif Stefnir í sólríkan og hlýjan sumardag fyrsta víða um land Eigendur sjókvíaeldis þurfa ekki að greiða auðlindagjald Tveir létust í banaslysi í Eyjafirði Veturinn sá kaldasti síðan 1999 Vill rjúfa framkvæmdastopp í orkumálum Kári Stefánsson, ákall um vaxtalækkun og hinsegin list Skemmtiferðaskip um tíu metrum frá strandi við Viðey Sjá meira
„Þetta er það furðulegasta og óþægilegasta sem ég hef upplifað,“ segir Aron Kristján Sigurjónsson 26 ára Hafnfirðingur. Óhætt er að segja að Aron Kristján, Sóley kærasta hans og fjórir vinir hafi sloppið með skrekkinn þegar þau vöknuðu við sprengingu í sumarbústað nærri Blönduósi á laugardagsmorgun. Hann segir sexmenningana afar þakkláta öllum viðbragðsaðilum og finnst rétt að taka fram, til að hafa smá hemil á netverjum í grínham, að þau hafi ekki verið að sniffa gas. Vöknuðu á slaginu 11:03 Aron lýsir því í samtali við Vísi að um ósköp venjulega sumarbústaðaferð hafi verið að ræða. Þau hafi mætt á svæðið laust fyrir miðnætti á föstudag, mokað sér leið inn í húsið í gegnum snjóinn og komið sér fyrir. Allt fór á hliðina í svefnrýminu. Vatnslaust var í húsinu, að líkindum vegna frosinna lagna, en rafmagnið virkaði. „Við settumst við stofuborðið, spiluðum spil, drukkum bjór og hlógum. Sem var einmitt ástæða ferðarinnar, að þétta hópinn og hafa gaman.“ Þau hafi setið fram á nótt í góðum gír og svo farið að sofa. Öll vöknuðu svo á slaginu þrjár mínútur yfir ellefu en ekki útaf samstilltum vekjaraklukkum. Spýta í andlitið „Við vöknum við sprengingu sem olli því að sumarbústaðurinn fór vægast sagt í tætlur,“ segir Aron Kristján. Myndirnar tala sínu máli en tæknideild lögreglu hefur tjáð Aroni Kristjáni að um gassprengingu hafi verið að ræða. „Ég vakna ekki við lætin heldur að þung spýta springur í andlitið á mér, eflaust frá kojunni sem var fyrir ofan tvíbreiða rúmið þar sem við Sóley sváfum. Þá þegar er mig hálfpartinn enn að dreyma og af einhverjum ástæðum var ég viss um að það væri trukkur að keyra inn í bústaðinn. Flótlega tek ég eftir að úr enninu mínu spýtist mikið blóð. Ég næ að nota sængina mína til að reyna að stöðva blæðinguna. Við Sóley hrópuðum handahófskennd orð af hræðslu og ótta til að tryggja fyrir hvoru öðru að við værum enn með meðvitund. Á sama tíma hrynja yfir okkur spýtur bæði úr veggjum og lofti og festumst við þar undir.“ Spýtur brotnuðu og dreifðust víða um sumarbústaðinn. Þetta hafi gerst á örfáum sekúndum en tíminn liðið afar hægt. „Sprengingin átti sér stað í skúrnum hliðina á herberginu sem við gistum í og því voru veggir á hlið og herbergið í raun alveg á hvolfi.“ Þakklátur fyrir hvernig vinirnir stóðu saman „Viðbragðsaðilar voru komnir áður en við náðum að skella á og fóru með okkur á Sjúkrahúsið á Akureyri. Ég er með stórt gat og stóran skurð á enninu. Neðri framtönn brotin. Tognaður víða um líkamann og marinn sömuleiðis. Ég er þakklátur fyrir það hvernig við vinirnir unnum saman og hjálpuðum hvoru öðru,“ segir Aron Kristján. Hann segir í færslu á Facebook þakklátur viðbragðsaðilum og öllu því starfsfólki sem kom að málinu. „Þið náðuð að róa okkur með svo faglegum vinnubrögðum við erfiðar aðstæður. Síðan þykir okkur gott að tala opinskátt um þetta því áfallið mun verða erfiðasta sárið til að gróa og það hjálpar að útskýra hvað gerðist,“ segir Aron Kristján. Þau munu fá áfallahjálp frá Rauða krossinum í dag. Voru ekki að sniffa gas Þá bendir hann fólki á að aðgátina góðu. „Þó við skiljum að fólk grínist með þetta. Við vorum ekki að „gasa“ eða hvað sem það kallast og við komum ekki nálægt neinu grilli eða gasi. Þetta var slys og ekkert okkar gerði neitt til að valda því. Það erfiðasta við þetta allt saman er að það er ómögulegt að tengja þetta við raunveruleikann og ná hugarró. Gassprengingar eru okkur enn fjarstæðukenndar þrátt fyrir að við urðum fyrir slíkri.“ Bústaðurinn er afar mikið skemmdur eftir sprenginguna. Hann telji þau vinina hafa sloppið merkilega vel. Einn fór líklega úr og í axlarlið í hamaganginum, kærasta hans er með rispur út um allan líkama og tognuð og marin. Þá er hann sjálfur ekki höfuðkúpubrotinn þótt sést hafi í hana útaf gati sem hann fékk í hausinn. Aron er þakklátur fyrir að spýtan sem small á milli augna hans fór í hvorugt augað. Þá segist hann sömuleiðis þakklátur fyrir að gaskúturinn, sem líklega sé af grilli í bústaðnum, hafi sprungið en ekki lekið inn í rýmið þar sem allir voru sofandi. Þá hefði ekki þurft að spyrja að leikslokum.
Sjúkraflutningar Slökkvilið Húnavatnshreppur Tengdar fréttir Ungt fólk flutt á slysadeild eftir sprengingu í sumarbústað Sex ungmenni voru flutt á slysadeild eftir að sprenging var í sumarbústað í Langadal í morgun. 14. mars 2020 13:34 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Breiðholt mesta fátæktargildra landsins“ Innlent Sigríði þykir ólíklegt að hún nái undirskriftum Innlent Útlagar spreyjaðir gylltir Innlent Auglýsa eftir „eiganda“ fjármuna Innlent Tíu sektaðir vegna notkunar nagladekkja Innlent „Ákveðnar efasemdir um ákveðna þætti“ Innlent Dómi Harvey Weinstein snúið við Erlent Ögurstund og opnunarhóf hjá frambjóðendum Innlent Helga Þórisdóttir komin með lágmarksfjölda meðmæla Innlent Tveir létust í banaslysi í Eyjafirði Innlent Fleiri fréttir Framboðslistar opinberaðir eftir helgi Auglýsa eftir „eiganda“ fjármuna Glæsileg þjóðbúningamessa á Hvolsvelli Ögurstund og opnunarhóf hjá frambjóðendum Forsetaslagurinn, leit að eiganda fjármuna og rjómablíða Fjölbreytt verkefni hjá björgunarsveitum í dag Útlagar spreyjaðir gylltir Helga Þórisdóttir komin með lágmarksfjölda meðmæla Sinueldur í Reykjanesbæ Pétur Einarsson leikari látinn Kólnar á öllu landinu eftir óvenjugóðan fyrsta sumardag „Ákveðnar efasemdir um ákveðna þætti“ Fimm teravött af orku og 20 milljarðar í samgöngur Seltjarnarnesbær gengur frá sölu á Safnatröð Sigríði þykir ólíklegt að hún nái undirskriftum Umdeilt frumvarp, íslenskan og sumarveðrið Eiríkur og Bjarni takast á um nefnd um íslenska tungu Ræða mest málefni íslenskunnar á fundum enskumælandi ráðs Tíu sektaðir vegna notkunar nagladekkja „Breiðholt mesta fátæktargildra landsins“ Segir borgarstjóra óttalegan vettling Vilja taka upp auðlindagjald að hætti Norðmanna „Dapurlegt“ að andstæðingar bólusetninga hafi svo mikil áhrif Stefnir í sólríkan og hlýjan sumardag fyrsta víða um land Eigendur sjókvíaeldis þurfa ekki að greiða auðlindagjald Tveir létust í banaslysi í Eyjafirði Veturinn sá kaldasti síðan 1999 Vill rjúfa framkvæmdastopp í orkumálum Kári Stefánsson, ákall um vaxtalækkun og hinsegin list Skemmtiferðaskip um tíu metrum frá strandi við Viðey Sjá meira
Ungt fólk flutt á slysadeild eftir sprengingu í sumarbústað Sex ungmenni voru flutt á slysadeild eftir að sprenging var í sumarbústað í Langadal í morgun. 14. mars 2020 13:34