Erlent

Japanir tvístígandi varðandi Ólympíuleikana

Hólmfríður Gísladóttir skrifar
Þjóðarleikvangurinn í Tókýó, þar sem stærstur hluti leikanna fer fram, er sagður hafa kostað 1,4 milljarð Bandaríkjadala.
Þjóðarleikvangurinn í Tókýó, þar sem stærstur hluti leikanna fer fram, er sagður hafa kostað 1,4 milljarð Bandaríkjadala. epa/Franck Robichon

Aðeins 27% Japana vilja að Ólympíuleikarnir fari fram á fyrirhugðum tíma en þeir verða að óbreyttu haldnir í Tókýó 23. júlí til 8. ágúst. Leikunum var frestað vegna Covid-19 faraldursins en þeir áttu að fara fram 24. júlí til 9. ágúst sl. 

Leikarnir bera enn yfirskriftina „Ólympíuleikarnir 2020“.

Í könnun sem ríkisfjölmiðillinn NHK greindi frá sögðust 30% vilja hætta við Ólympíuleikana en 31% sagðist vilja fresta þeim frekar.

Athygli vekur að stuðningur við leikana hefur snarminnkað frá því í október en þá sögðust 40% vilja að Ólympíuleikarnir færu fram næsta sumar. Í millitíðinni hefur þriðja bylgja kórónuveirufaraldursins gengið yfir Japan.

Í sömu könnun, frá því í október, sögðust 23% vilja hætta við leikana og 25% fresta þeim.

Ólympíuleikarnir eru sagðir munu kosta japanska ríkið meira en 12 milljarða Bandaríkjadala.

Ólympíuleikar 2020 í Tókýó Japan
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið