Viðskipti innlent

Hætta á að er­lend stór­fyrir­tæki gleypi ferða­þjónustu­markaðinn

Hallgerður Kolbrún E. Jónsdóttir skrifar
Þórir Garðarsson, stjórnarformaður Gray Line, segir mikla hættu á að erlendir ferðaþjónusturisar sópi að sér viðskiptavinum.
Þórir Garðarsson, stjórnarformaður Gray Line, segir mikla hættu á að erlendir ferðaþjónusturisar sópi að sér viðskiptavinum. Vísir

Þórir Garðarsson, stjórnarformaður Gray Line, segir mikla hættu á því að erlendir ferðaþjónusturisar sópi að sér viðskiptavinum sem áður versluðu við íslensk ferðaþjónustufyrirtæki.

Þórir Garðarsson, stjórnarformaður Gray Line, segir mikla hættu á því að erlendir ferðaþjónusturisar sópi að sér viðskiptavinum sem áður versluðu við íslensk ferðaþjónustufyrirtæki. Mikil hætta sé á því ef íslensk ferðaþjónustufyrirtæki geta ekki veitt nægilega góða samkeppni á neytendamarkaði.

„Það sem ég hef fyrst og fremst áhyggjur af er að þessi stærri fyrirtæki sem hafa verið leiðandi í markaðssetningu á Íslandi að þau hafi núna takmarkað fé til að fjárfesta í almennum markaðsmálum, sem sagt kynningu og öðru slíku og þar af leiðandi ekki náð til neytenda,“ sagði Þórir í Reykjavík síðdegis í dag.

„Töpum gríðarlegum fjármunum úr veltunni yfir í þessa erlendu aðila“

Hann segir mikla hættu á að íslensk ferðaþjónustufyrirtæki haldi að sér höndum og bíði eftir því að fólk fari aftur að ferðast vegna tekjutaps, í stað þess að sækja fram og sækja til ferðamannsins.

„Þetta gefur stórum erlendum ferðaheildsölum mikið tækifæri að fá forskot á markaðnum til þess að ná þessum viðskiptavinum til sín. Það vita allir sem hafa verið í viðskiptum að það er mjög erfitt að ná viðskiptavinunum til baka þegar þú ert búinn að missa þá og ég hef áhyggjur af því að fyrirtækin nái ekki að viðhalda sínum viðskiptasamböndum,“ segir Þórir.

Íslensk fyrirtæki geti ekki keppt við þessa risa, sérstaklega ekki þegar svo mikið tekjutap á sér stað, sem eyði milljörðum ár hvert í markaðssetningu.

„Þó við séum að koma með miklu minni pening þá höfum við náð ákveðnum árangri en núna þegar er enginn peningur til þá náum við ekki þessum árangri. Síðan gerist það að þessir aðilar koma hér inn á markaðinn og það er bara sá sem býður lægsta verðið, hann fær viðskiptin,“ segir Þórir.

Ferðaþjónustan hefur átt undir högg að sækja frá því að kórónuveirufaraldurinn skall á.Vísir/Vilhelm

„Það getur svo sem verið gott fyrir einhverja en ferðamaðurinn veit í raun og veru ekkert með hverjum hann er að fara að ferðast og þá skipta gæðin miklu minna máli og þá fer þetta að snúast eingöngu um verð. Þar fyrir utan töpum við gríðarlegum fjármunum úr veltunni yfir í þessa erlendu aðila og ríkissjóður verður af háum tekjum í formi virðisaukaskatts og annarra tekna sem annars væru eftir í landinu.“

Íslandsstofa er að fara af stað í auglýsingaherferð fyrir landið sem Þórir segir af hinu góða. Fjárfest verði hér fyrir 1200 milljónir á næsta ári í landkynningu en það auglýsi ekki söluvöruna, sem mikil þörf sé á. Fyrirtækin þurfi því að fylgja á eftir og auglýsa sína vöru.

„Það hefur verið mjög góður árangur í þessum átaksverkefnum sem við höfum farið í áður, eins og Ísland allt árið og Inspired by Iceland. Þar fylgdu fyrirtækin eftir markaðssetningunni með sinni markaðssetningu, markaðssettu vöruna og settu andlit á vöruna og gátu þar með landað viðskiptunum,“ segir Þórir.

Hægt er að hlusta á viðtalið við Þóri í heild sinni í spilaranum hér að neðan.


Tengdar fréttir

Hættan sem blasir við ferðaþjónustunni

Í ferðaþjónustu gildir að sjálfsögðu það sama og í öðrum viðskiptum, að mestu tekjurnar skila sér í beinu viðskiptasambandi milli þjónustuveitanda og viðskiptavinar. Með öðrum orðum, að gesturinn kaupi gistinguna, flugfarið, afþreyinguna eða veitingarnar beint af viðkomandi aðila.

Óvissa um ferðaþjónustuna eftir bólusetningu

Hagfræðingur segir að jákvæðar fréttir af bóluefni geti haft óbein áhrif á efnahagskerfið. Óvissa sé þó um hvað gerist í ferðaþjónustunni þegar búið er að bólusetja flestar þjóðir.

Seiglan í ís­lenskri ferða­þjónustu

Ég er stolt af því að hafa starfað með íslenskri ferðaþjónustu til fjölda ára og kynnt hana á erlendum vettvangi. Síðasta árið hef ég þó gert það með öðrum formmerkjum en áður og á þeim tíma hef ég enn betur áttað mig á því hversu mikil seigla er í því fólki sem starfar í henni á Íslandi.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
REITIR
2,43
13
174.486
EIK
2,33
7
106.910
EIM
1,44
7
184.158
MAREL
1,36
16
342.683
REGINN
1,31
14
63.048

Mesta lækkun dagsins


Félag
Br.%
Fjöldi
Velta*
FESTI
-1,67
12
472.073
ICEAIR
-1,41
94
128.771
HAGA
-1,02
9
117.877
SKEL
-0,96
1
310
SYN
-0,92
2
10.857
Velkomin á Vísi. Þessi vefur notar vafrakökur. Sjá nánar.