Innlent

Bretar skipa nýjan sendi­herra á Ís­landi

Atli Ísleifsson skrifar
Dr. Bryony Mathew tekur til starfa sem sendiherra Bretlands á Íslandi í ágúst næstkomandi.
Dr. Bryony Mathew tekur til starfa sem sendiherra Bretlands á Íslandi í ágúst næstkomandi. FCO

Bryony Mathew hefur verið skipuð nýr sendiherra Bretlands á Íslandi. Hún mun taka við stöðunni af Michael Nevin sem mun hverfa til annarra starfa innan bresku utanríkisþjónustunnar.

Þetta kemur fram á vef breska utanríkisráðuneytisins. Þar segir að Mathew muni hefja störf sem sendiherra á Íslandi í ágúst á næsta ári.

Dr Bryony Mathew hefur að undanförnu starfað innan sérstakrar Covid-19 verkefnastjórnar breska utanríkisþjónustunnar, en hún gekk til liðs við utanríkisþjónustna árið 2005 og hefur á þeim tíma meðal annars starfað í sendiráði Bretlands í Peking í Kína, Phnom Penh í Kambódíu, auk þess að hafa gegnt ýmsum stöðum innan utanríkisráðuneytisins í London.

Bryony Mathew er gift Paul Mathew og eiga þau tvö börn.

Nevin hefur starfað sem sendiherra Bretlands á Íslandi frá árinu 2016.

Bretland
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið