Innlent

Al­elda rúta við Köllunar­kletts­veg

Sunna Kristín Hilmarsdóttir skrifar
Frá vettvangi í nótt en slökkviliðið birti þessa mynd á Facebook-síðu sinnu.
Frá vettvangi í nótt en slökkviliðið birti þessa mynd á Facebook-síðu sinnu. Slökkvilið höfuðborgarsvæðisins

Slökkvilið höfuðborgarsvæðisins var kallað út klukkan 04:10 í nótt vegna elds í rútu við við Köllunarklettsveg.

Samkvæmt upplýsingum frá slökkviliðinu var rútan alelda þegar komið var á vettvang. Hún er gjörónýt en var sennilega ekki á númerum.

Enginn var í rútunni eða nágrenni við hana og varð því engum meint af í brunanum.

Að því er segir í dagbók lögreglu er ekki vitað um eldsupptök og er málið í rannsókn.

Uppfært klukkan 08:04: Í fyrri útgáfu fréttarinnar kom fram að rútan hefði verið við svæði Vöku við Köllunarklettveg og Héðinsgötu.

Reynir Guðmundsson, framkvæmdastjóri Vöku, segir í samtali við Vísi að þetta sé ekki rétt. Rútan hafi ekki verið í vörslu Vöku og því ekki á svæði fyrirtækisins heldur við Köllunarklettsveg 3-5 sem er nær Sundagörðum.

Góðan dag. Síðasti sólahringur hjá okkur hefur verið þokkalegur. 62 boðanir á sjúkrabíla, þar af 17 forgangsverkefni og...

Posted by Slökkvilið höfuðborgarsvæðisins bs. on Sunday, November 15, 2020


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×