Innlent

Á­tján greindust með kórónu­veiruna innan­lands

Atli Ísleifsson skrifar
Staðfest smit á Íslandi frá upphafi faraldursins nálgast nú 5.200.
Staðfest smit á Íslandi frá upphafi faraldursins nálgast nú 5.200. Landspítali/Þorkell Þorkelsson

Átján greindust með kórónuveiruna innan­lands í gær. Fjórtán af þeim sem greindust í gær voru í sóttkví , eða 78 prósent. Fjórir þeirra sem greindust í gær voru utan sóttkvíar, eða um 22 prósent.

Þetta kemur fram í uppfærðum tölum á vefnum covid.is. Alls eru 63 nú á sjúkrahúsi vegna Covid-19, þar af þrír á gjörgæslu. Í gær voru 68 á sjúkrahúsi og þrír á gjörgæslu.

Þrír greindust á landamærum þar sem niðurstöðu mótefnamælingar beðið.

472 manns eru nú í einangrun, samanborið við 542 í gær. Þá eru 992 í sóttkví í dag, samanborið við 956 í gær.

Af þeim átján sem greindust innanlands í gær greindust ellefu eftir að tekin voru svokölluð einkennasýni, en sjö eftir svokallaða sóttkvíar- og handahófsskimun.

Nýgengi innanlandssmita, þ.e. fjöldi smitaðra á hverja 100 þúsund íbúa undanfarnar tvær vikur, er nú 106,1 en var 112,6 í gær. Þá er nýgengi landamærasmita nú 10,6, en var 10,4 í gær.

Nú hafa 5.160 manns greinst smitaðir af kórónuveiru frá upphafi faraldursins. Á síðunni segir ennfremur að af þeim veikst hafa af Covid-19 eru 24 nú látnir.

Alls voru tekin 776 einkennasýni hjá sýkla- og veirufræðideild Landspítalans og Íslenskri erfðagreiningu í gær og 280 sýni á landamærunum eða í seinni landamæraskimun. Þá voru 78 sýni tekin við sóttkvíar- og handahófsskimun og ellefu í annarri skimun hjá Íslenskri erfðagreiningu.

Fréttin hefur verið uppfærð.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.