Erlent

Mette baðst afsökunar á ólöglegri fyrirskipun

Þórgnýr Einar Albertsson skrifar
Kórónuveirusmit hafa komið upp í minkabúum víða um Danmörku. Vísindamenn hafa áhyggjur af stökkbreytingu veirunnar í minkum.
Kórónuveirusmit hafa komið upp í minkabúum víða um Danmörku. Vísindamenn hafa áhyggjur af stökkbreytingu veirunnar í minkum. Ole Jensen/Getty

Mette Frederiksen, forsætisráðherra Danmerkur, baðst í dag afsökunar og sagði að danska dýra- og matvælaeftirlitið hefði gert mistök með því að krefjast þess að allir minkar landsins verði drepnir. Það var gert eftir að stökkbreytt afbrigði kórónuveirunnar greindist í dýrunum.

Óvissa ríkir nú um hvort minkarnir verði drepnir en í ljós hefur komið að ríkisstjórnin hefur ekki lagalega heimild til að fyrirskipa slíkt. 

Því baðst Frederiksen, sem tilkynnti sjálf um fyrirskipunina í upphafi mánaðar, afsökunar. Sagði ábyrgðina hvíla á herðum Mogens Jensens, landbúnaðar- og sjávarútvegsráðherra.

Jakob Ellemann-Jensen, leiðtogi stjórnarandstöðuflokksins Venstre, var gagnrýninn á Frederiksen á þingi í dag og spurði hvort hún ætlaði ekki sjálf að axla ábyrgð á ólöglegu fyrirskipuninni. 

Forsætisráðherrann sagði að ríkisstjórnin þyrfti vissulega að axla ábyrgð en ólögmæti fyrirspurnarinnar breytti þó engu um alvarleika málsins.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×