Innlent

Logi endurkjörinn formaður Samfylkingarinnar

Kristín Ólafsdóttir skrifar
Logi Einarsson var endurkjörinn varaformaður Samfylkingarinnar á rafrænum landsfundi sem settur var í dag.
Logi Einarsson var endurkjörinn varaformaður Samfylkingarinnar á rafrænum landsfundi sem settur var í dag. Samfylkingin

Logi Már Einarsson var endurkjörinn formaður Samfylkingarinnar á rafrænum landsfundi flokksins í kvöld. Hann var einn í framboði til formanns og hlaut 96,45 % atkvæða.

Í tilkynningu frá Samfylkingunni er kjörið sagt endurspegla „ánægju og traust flokksfélaga til hans og hans starfa í þágu flokksins.“

Logi sagði í ræðu sinni eftir endurkjörið að hann væri djúpt snortinn og fullur þakklætis fyrir traustið sem flokksfélagarnir hefðu sýnt honum í dag. Hann lofaði því að leiða flokkinn inn í mikilvægar kosningar eftir tæpt ár.

Baráttan um varaformannssæti flokksins er þrungin talsvert meiri spennu en formannskjörið. Tvær eru í framboði, þær Heiða Björg Hilmisdóttir borgarfulltrúi og Helga Vala Helgadóttir þingmaður. Heiða hefur gegnt stöðu varaformanns síðustu ár. Úrslit í varaformannskjörinu ættu að liggja fyrir á ellefta tímanum í kvöld.

Heimir Már Pétursson fréttamaður ræddi við Heiðu Björgu og Helgu Völu í beinni útsendingu í kvöldfréttum Stöðvar 2 í kvöld.

Samfylkingin Alþingi Alþingiskosningar 2021
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið