Erlent

Maður hand­tekinn í tengslum við á­rásina í Nice

Atli Ísleifsson skrifar
Alls dóu þrír í árásinni í og við Notre Dame kirkjuna í frönsku borginni Nice í gærmorgun.
Alls dóu þrír í árásinni í og við Notre Dame kirkjuna í frönsku borginni Nice í gærmorgun. AP

Lögregla í Frakklandi hefur handtekið 47 ára karlmann vegna gruns um að tengjast hryðjuverkaárásinni í Nice í gær. Er hinn handtekni grunaður um að hafa aðstoðað hryðjuverkamanninn við undirbúning árásarinnar.

Franskir fjölmiðlar segja manninn hafa verið handtekinn í gærkvöldi, en hann á að hafa verið í samskiptum við hinn 21 árs gamla árásarmann daginn fyrir árásina.

Árásarmaðurinn er grunaður um að hafa drepið þrjá í og við Notre Dame kirkjuna í Nice í gærmorgun, en hann liggur nú sjálfur á sjúkrahúsi eftir að hafa við skotinn af lögreglu.

Í átökum við lögreglu á maðurinn að hafa hrópað „allahu akbar“, sem þýðir „guð er mikill“. Var hann með fjölda hnífa og eintak af kóraninum í fórum sínum.

Árásarmaðurinn er frá Túnis og á nýlega að hafa komið til Frakklands frá ítölsku eyjunni Lampedusa.

Hæsta viðbúnaðarstigi vegna hryðjuverkahættu hefur verið komið á í Frakklandi í kjölfar árásarinnar.

Tengd skjöl



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.