Maðurinn fundinn heill á húfi

Kristín Ólafsdóttir skrifar 29. október 2020 11:00

Umfangsmikil leit var gerð að manninum við Stafafellsfjöll.

Maðurinn sem leitað hefur verið að í Stafafellsfjöllum frá því í gærkvöldi er fundinn heill á húfi. Hann er nú á leið til byggða með björgunarsveitarmönnum. Þetta kemur fram í tilkynningu frá lögreglu á Suðurlandi.

Lögregla þakkar leitarmönnum og öllum sem aðstoðað hafa við verkefnið kærlega fyrir þeirra framlag.

Á annað hundrað leitarmanna voru við leit að manninum og fleiri voru á leið á vettvang til aðstoðar þegar hann fannst. Þeim hefur nú verið snúið frá og eru væntanlega á heimleið í dag.

Þyrla Landhelgisgæslunnar var m.a. kölluð út til leitarinnar í gær og hóf aftur leit í birtingu í morgun. Þá voru allar björgunarsveitir í Austur-Skaftafellssýslu og á Austurlandi kallaðar út í gær, auk þess sem notast var við dróna og sporhunda.

Björgunarsveitir Lögreglumál Hornafjörður

Tengdar fréttir

Björgunarfólki berst liðsauki og þyrlan að hefja leit að nýju

Björgunarsveitarfólk var að störfum í alla nótt við leit að manni í Stafafellsfjöllum í Lóni. Þyrla Landhelgisgæslunnar fer á ný til leitar í birtingu.

29. október 2020 06:50

Þyrla, drónar og sporhundur koma að leit að manni í Stafafellsfjöllum

Björgunarsveitir á Suðausturhorninu og á Austfjörðum leita nú að manni í Stafafellsfjöllum í Lóni. Þyrla Landhelgisgæslunnar aðstoðar við leitina.

28. október 2020 22:59

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.