Grímulausir ráðgjafar og fjölskylda Trump útsett fyrir smiti Kjartan Kjartansson skrifar 2. október 2020 10:09 Trump gerði grín að Joe Biden, fyrrverandi varaforseta, vegna þess að hann notar grímur þegar hann kemur fram opinberlega. Aðeins þremur dögum síðar greindist Trump smitaður af kórónuveirunni. AP/Julio Cortez Donald Trump Bandaríkjaforseti var í samskiptum við fjölda ráðgjafa, ættingja, bakhjarla og stuðningsmanna sem gæti nú verið útsettur fyrir kórónuveirusmiti eftir að forsetinn og eiginkona hans greindust smituð. Öll fullorðin börn forsetans og nokkrir nánustu ráðgjafar hans voru með honum í flugvél á þriðjudag, öll án gríma. Greint var frá því seint í nótt að Trump-hjónin og Hope Hicks, einn nánasti ráðgjafi forsetans, hefðu öll greinst jákvæð fyrir nýju afbrigði kórónuveirunnar sem veldur Covid-19. New York Times rekur ferðir forsetans í þessari viku og segir að hann hafi verið í návígi við fjölda fólks. Hann undirbjó sig fyrir kappræður við Joe Biden, frambjóðanda demókrata, með ráðgjöfum sínum og Mike Pence, varaforseta, í þröngu rými í vesturálmu Hvíta hússins þar sem starfsmenn ganga ekki með grímur og láta þess í stað skima sig reglulega. Þá hitti forsetinn auðuga fjárhagslega bakhjarla sína á einkaheimili í Minneapolis í vikunni og kom fram á kosningafundi með þúsundum stuðningsmanna í Minnesota þar sem meirihluti viðstaddra var ekki með grímu. Trump deildi ekki aðeins sviði með Biden, sem er 77 ára gamall, á þriðjudagskvöld heldur einnig Amy Coney Barrett þegar forsetinn kynnti hana sem hæstaréttardómaraefni sitt við Hvíta húsið á laugardag. Hope Hicks var í föruneyti Trump til Minnesota á miðvikudag og byrjaði að finna fyrir einkennum í ferðinni. Hér er hún með Jared Kushner, tengdasyni forsetans, þegar þau lögðu upp í ferðina. Enginn var með grímu.AP/Alex Brandon Enginn með grímur eða að gæta að sér Enn liggur ekki fyrir hvar eða hvenær Trump forseti smitaðist af veirunni. Hicks, ráðgjafi hans, byrjaði að finna fyrir einkennum þegar hún var á kosningafundi forsetans í Minnesota á miðvikudag. Hún greindist í kjölfarið smituð af veirunni. Læknalið Hvíta hússins vinnur nú að smitrakningu. Nokkrir nánustu ráðgjafar Trump segja NYT að þeir búist fastlega við að fleiri í nánasta hring forsetans greinist smitaðir á næstu dögum. Þannig voru öll fullorðin börn Trump og helstu ráðgjafar hans í Hvíta húsinu og forsetaframboði hans með honum í forsetaflugvélinni þegar hann flaug á kappræðurnar gegn Biden í Ohio á þriðjudag. Ekkert þeirra var með grímur þegar þau gengu um borð og stigu frá borði. Bill Stepien, kosningastjóri Trump, sást fara grímulaus um borð í flugvélina og síðar í bíl með Hicks. Á meðal þeirra sem voru um borð í flugvélinni voru Jason Miller, einn helsti ráðgjafi framboðsins, Stephen Miller, stefnuráðgjafi Trump í Hvíta húsinu, Mark Meadows, starfsmannastjóri Hvíta hússins, Robert O‘Brien, þjóðaröryggisráðgjafi Trump sem sjálfur greindist smitaður í júlí, og Jim Jordan, fulltrúadeildarþingmaður frá Ohio. Fáir eru sagði hafa viðhaft sérstaka smitgát í ferðinni. Gerði grín að Biden fyrir að nota grímu Trump hefur ítrekað gert lítið úr kórónuveirufaraldrinum og sagt að veiran ætti eftir að hverfa eins og dögg fyrir sólu. Þá hefur hann grafið undan tilmælum eigin ríkisstjórnar um sóttvarnir og grímunotkun. Í kappræðunum á þriðjudagkvöld gerði Trump jafnvel gys að Biden fyrir að nota grímu þegar hann kemur fram opinberlega. Sagðist Trump nota grímu þegar hann þyrfti þess. „Ég geng ekki með grímu eins og hann. Hann er alltaf með grímu þegar maður sér hann. Hann gæti verið að tala tvö hundruð fetum [61 metra] frá þeim og hann mætir með stærstu grímu sem ég hef nokkur tímann séð,“ sagði Trump. Starfslið Melaniu Trump forsetafrúr er sagt hafa tekið smitvarnir mun fastari tökum í faraldrinum. Hún skipaði meirihluta starfsfólks síns að vinna heima og þegar hún ferðast með forsetanum gerir hún það án starfsliðs síns til þess að forðast frekari smithættu. Forsetafrúin birti mynd af sér með grímu á samfélagsmiðlum á sama tíma og eiginmaður hennar þráaðist við að nota grímu fyrr á þessu ári. Tímalína um ferðir Trump í vikunni sem hann greindist smitaður Mánudagur - Trump skoðaði flutningabíl frá Lordstown Motors á suðurbletti Hvíta hússins á viðburði sem tveir þingmenn og þrír fulltrúar framleiðandans Lordstown frá Ohio, voru viðstaddir. -Trump hélt viðburð í Hvíta húsinu til að kynna aðgerðir ríkisstjórnarinnar um að dreifa milljónum kórónuveiruprófa til ríkja. Embættismenn ríkisstjórnarinnar, þar á meðal Mike Pence varaforseti, þingmenn og embættismenn ríkja, voru viðstaddir viðburðinn. Þriðjudagur -Trump ferðaðist til Cleveland til að taka þátt í 90 mínútna kappræðum við Joe Biden, keppinaut sinn frá Demókrataflokknum. Báðir mennirnir voru skimaðir fyrir veirunni fyrir kappræðunnar og stóðu á bak við ræðupúlt með ágætri fjarlægð. Þeir voru ekki með grímur í kappræðunum. -Hope Hicks, ráðgjafi Hvíta hússins, var hluti af stærra föruneyti sem ferðaðist með Trump í forsetaflugvélinni á kappræðurnar í Ohio, þar á meðal fjölskyldumeðlimir Trump. Fullorðin börn Trump og háttsettir ráðgjafar hans voru ekki með grímur á kappræðunum sem var brot á reglum gestgjafa þeirra. Miðvikudagur -Trump ferðaðist til Minnesota á fjáröflunarfund á einkaheimili í úthverfi Minneapolis og kosningafund sem var haldinn utandyra í Duluth. -Hicks var á meðal ráðgjafa úr Hvíta húsinu sem fylgdu Trump í ferðinni. Hún kenndi sér meins á leiðinni heim og einangraði sig um borð í forsetaflugvélinni. Fimmtudagur -Hicks greinist smituð af kórónuveirunni. -Trump flýgur til Bedminster-klúbbs síns í New Jersey á fjáröflunarviðburð. Nokkrir ráðgjafar sem voru í návígi við Hicks hætta við að fylgja Trump. -Trump tilkynnir í viðtali við Fox News um kvöldið að hann og forsetafrúin hafi farið í sýnatöku vegna kórónuveirunnar. Hann tísti síðar um að þau ætluðu að hefja „sóttkvíarferlið okkar!“ Föstudagur -Trump tísti laust fyrir klukkan eitt í nótt að staðartíma í Washington-borg að hann og forsetafrúin hefðu greinst smituð af kórónuveirunni og að þau myndu „byrja sóttkvíar- og bataferlið strax.“ -Sean Conley, læknir forsetans, birtir yfirlýsingu um að forsetinn og forsetafrúin „hafi það gott þessa stundina og ætla sér að halda sig heima í Hvíta húsinu á meðan þau ná bata.“ Donald Trump Faraldur kórónuveiru (COVID-19) Forsetakosningar í Bandaríkjunum Bandaríkin Tengdar fréttir Bandarísku forsetahjónin smituð af kórónuveirunni Donald Trump, Bandaríkjaforseti, og Melania Trump, eiginkona hans, eru smituð af kórónuveirunni sem veldur sjúkdómnum Covid-19. 2. október 2020 05:58 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Þrjátíu ár fyrir árásina á mann þingforsetans Erlent Heyrði mikla skruðninga í Hítárdal fyrir miðnætti á föstudag Innlent Veiðiþjófar stálu frá barni við Hítarvatn Innlent Dregur saman með efstu frambjóðendum Innlent Helga aðeins 15 mínútur að landa fyrsta laxinum Innlent Heimamanna bíður það verkefni að finna nafn á nýja lónið sem er komið til að vera Innlent Hítará hefur fundið sér nýjan farveg Innlent Ætlar alla leið í baráttu fyrir nafninu sínu Innlent Veiðileyfasali fékk engar bætur dæmdar fyrir þjófnað í Kjarrá Innlent Fresta íbúakosningu í Ölfusi um mölunarverksmiðju Innlent Fleiri fréttir Þrjátíu ár fyrir árásina á mann þingforsetans Segir Rússa ekki hafa í hyggju að taka Kharkív Viðtal á Stöð 2 kveikir upp í færeyskum stjórnmálum Reyndi að kveikja í bænahúsi gyðinga og var skotinn til bana Spánverjar neita skipi með vopn innanborðs um að leggja að bryggju „Einfari“ ákærður fyrir tilræðið við Fico Hver er Robert Fico? Neyðarástandi lýst yfir á Nýju-Kaledóníu eftir miklar óeirðir Ágreiningur innan stjórnarinnar brýst upp á yfirborðið Hægriflokkar ná saman um myndun ríkisstjórnar Samið um kappræður í júní og september Fico ekki talinn í lífshættu Þróun ES-30 flugvélarinnar flutt frá Svíþjóð til Kaliforníu Þetta er vitað um árásarmanninn Biden skorar á Trump Forsætisráðherra Slóvakíu í lífshættu eftir skotárás Þverpólitískar tillögur um viðbrögð vegna gervigreindar FIFA byrjað að vinda ofan af umbótum eftir spillingarhneykslið Fulltrúar Talíbana á ráðstefnu í Ósló Fyrsta opinbera málverkið af konunginum Karli III afhjúpað í gær Gróðureldar ógna olíuvinnslumiðstöð í Kanada Gríðarleg leit gerð að mönnum sem frelsuðu fanga í Frakklandi Skriðdrekar Ísraelshers komnir inn í íbúðahverfi í Rafah Framámaður AfD sektaður fyrir að nota slagorð nasista Vill bjóða NATO að byggja nýjan flugvöll í Færeyjum Þorir að veðja bjór á að hún verði áfram forsætisráðherra Lokað á grein um barnadráp í Bretlandi Drápu fangaverði og hjálpuðu fanga að strjúka „Rússnesku lögin“ samþykkt í Georgíu Bendlaði Trump beint við þagnargreiðslurnar Sjá meira
Donald Trump Bandaríkjaforseti var í samskiptum við fjölda ráðgjafa, ættingja, bakhjarla og stuðningsmanna sem gæti nú verið útsettur fyrir kórónuveirusmiti eftir að forsetinn og eiginkona hans greindust smituð. Öll fullorðin börn forsetans og nokkrir nánustu ráðgjafar hans voru með honum í flugvél á þriðjudag, öll án gríma. Greint var frá því seint í nótt að Trump-hjónin og Hope Hicks, einn nánasti ráðgjafi forsetans, hefðu öll greinst jákvæð fyrir nýju afbrigði kórónuveirunnar sem veldur Covid-19. New York Times rekur ferðir forsetans í þessari viku og segir að hann hafi verið í návígi við fjölda fólks. Hann undirbjó sig fyrir kappræður við Joe Biden, frambjóðanda demókrata, með ráðgjöfum sínum og Mike Pence, varaforseta, í þröngu rými í vesturálmu Hvíta hússins þar sem starfsmenn ganga ekki með grímur og láta þess í stað skima sig reglulega. Þá hitti forsetinn auðuga fjárhagslega bakhjarla sína á einkaheimili í Minneapolis í vikunni og kom fram á kosningafundi með þúsundum stuðningsmanna í Minnesota þar sem meirihluti viðstaddra var ekki með grímu. Trump deildi ekki aðeins sviði með Biden, sem er 77 ára gamall, á þriðjudagskvöld heldur einnig Amy Coney Barrett þegar forsetinn kynnti hana sem hæstaréttardómaraefni sitt við Hvíta húsið á laugardag. Hope Hicks var í föruneyti Trump til Minnesota á miðvikudag og byrjaði að finna fyrir einkennum í ferðinni. Hér er hún með Jared Kushner, tengdasyni forsetans, þegar þau lögðu upp í ferðina. Enginn var með grímu.AP/Alex Brandon Enginn með grímur eða að gæta að sér Enn liggur ekki fyrir hvar eða hvenær Trump forseti smitaðist af veirunni. Hicks, ráðgjafi hans, byrjaði að finna fyrir einkennum þegar hún var á kosningafundi forsetans í Minnesota á miðvikudag. Hún greindist í kjölfarið smituð af veirunni. Læknalið Hvíta hússins vinnur nú að smitrakningu. Nokkrir nánustu ráðgjafar Trump segja NYT að þeir búist fastlega við að fleiri í nánasta hring forsetans greinist smitaðir á næstu dögum. Þannig voru öll fullorðin börn Trump og helstu ráðgjafar hans í Hvíta húsinu og forsetaframboði hans með honum í forsetaflugvélinni þegar hann flaug á kappræðurnar gegn Biden í Ohio á þriðjudag. Ekkert þeirra var með grímur þegar þau gengu um borð og stigu frá borði. Bill Stepien, kosningastjóri Trump, sást fara grímulaus um borð í flugvélina og síðar í bíl með Hicks. Á meðal þeirra sem voru um borð í flugvélinni voru Jason Miller, einn helsti ráðgjafi framboðsins, Stephen Miller, stefnuráðgjafi Trump í Hvíta húsinu, Mark Meadows, starfsmannastjóri Hvíta hússins, Robert O‘Brien, þjóðaröryggisráðgjafi Trump sem sjálfur greindist smitaður í júlí, og Jim Jordan, fulltrúadeildarþingmaður frá Ohio. Fáir eru sagði hafa viðhaft sérstaka smitgát í ferðinni. Gerði grín að Biden fyrir að nota grímu Trump hefur ítrekað gert lítið úr kórónuveirufaraldrinum og sagt að veiran ætti eftir að hverfa eins og dögg fyrir sólu. Þá hefur hann grafið undan tilmælum eigin ríkisstjórnar um sóttvarnir og grímunotkun. Í kappræðunum á þriðjudagkvöld gerði Trump jafnvel gys að Biden fyrir að nota grímu þegar hann kemur fram opinberlega. Sagðist Trump nota grímu þegar hann þyrfti þess. „Ég geng ekki með grímu eins og hann. Hann er alltaf með grímu þegar maður sér hann. Hann gæti verið að tala tvö hundruð fetum [61 metra] frá þeim og hann mætir með stærstu grímu sem ég hef nokkur tímann séð,“ sagði Trump. Starfslið Melaniu Trump forsetafrúr er sagt hafa tekið smitvarnir mun fastari tökum í faraldrinum. Hún skipaði meirihluta starfsfólks síns að vinna heima og þegar hún ferðast með forsetanum gerir hún það án starfsliðs síns til þess að forðast frekari smithættu. Forsetafrúin birti mynd af sér með grímu á samfélagsmiðlum á sama tíma og eiginmaður hennar þráaðist við að nota grímu fyrr á þessu ári. Tímalína um ferðir Trump í vikunni sem hann greindist smitaður Mánudagur - Trump skoðaði flutningabíl frá Lordstown Motors á suðurbletti Hvíta hússins á viðburði sem tveir þingmenn og þrír fulltrúar framleiðandans Lordstown frá Ohio, voru viðstaddir. -Trump hélt viðburð í Hvíta húsinu til að kynna aðgerðir ríkisstjórnarinnar um að dreifa milljónum kórónuveiruprófa til ríkja. Embættismenn ríkisstjórnarinnar, þar á meðal Mike Pence varaforseti, þingmenn og embættismenn ríkja, voru viðstaddir viðburðinn. Þriðjudagur -Trump ferðaðist til Cleveland til að taka þátt í 90 mínútna kappræðum við Joe Biden, keppinaut sinn frá Demókrataflokknum. Báðir mennirnir voru skimaðir fyrir veirunni fyrir kappræðunnar og stóðu á bak við ræðupúlt með ágætri fjarlægð. Þeir voru ekki með grímur í kappræðunum. -Hope Hicks, ráðgjafi Hvíta hússins, var hluti af stærra föruneyti sem ferðaðist með Trump í forsetaflugvélinni á kappræðurnar í Ohio, þar á meðal fjölskyldumeðlimir Trump. Fullorðin börn Trump og háttsettir ráðgjafar hans voru ekki með grímur á kappræðunum sem var brot á reglum gestgjafa þeirra. Miðvikudagur -Trump ferðaðist til Minnesota á fjáröflunarfund á einkaheimili í úthverfi Minneapolis og kosningafund sem var haldinn utandyra í Duluth. -Hicks var á meðal ráðgjafa úr Hvíta húsinu sem fylgdu Trump í ferðinni. Hún kenndi sér meins á leiðinni heim og einangraði sig um borð í forsetaflugvélinni. Fimmtudagur -Hicks greinist smituð af kórónuveirunni. -Trump flýgur til Bedminster-klúbbs síns í New Jersey á fjáröflunarviðburð. Nokkrir ráðgjafar sem voru í návígi við Hicks hætta við að fylgja Trump. -Trump tilkynnir í viðtali við Fox News um kvöldið að hann og forsetafrúin hafi farið í sýnatöku vegna kórónuveirunnar. Hann tísti síðar um að þau ætluðu að hefja „sóttkvíarferlið okkar!“ Föstudagur -Trump tísti laust fyrir klukkan eitt í nótt að staðartíma í Washington-borg að hann og forsetafrúin hefðu greinst smituð af kórónuveirunni og að þau myndu „byrja sóttkvíar- og bataferlið strax.“ -Sean Conley, læknir forsetans, birtir yfirlýsingu um að forsetinn og forsetafrúin „hafi það gott þessa stundina og ætla sér að halda sig heima í Hvíta húsinu á meðan þau ná bata.“
Donald Trump Faraldur kórónuveiru (COVID-19) Forsetakosningar í Bandaríkjunum Bandaríkin Tengdar fréttir Bandarísku forsetahjónin smituð af kórónuveirunni Donald Trump, Bandaríkjaforseti, og Melania Trump, eiginkona hans, eru smituð af kórónuveirunni sem veldur sjúkdómnum Covid-19. 2. október 2020 05:58 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Þrjátíu ár fyrir árásina á mann þingforsetans Erlent Heyrði mikla skruðninga í Hítárdal fyrir miðnætti á föstudag Innlent Veiðiþjófar stálu frá barni við Hítarvatn Innlent Dregur saman með efstu frambjóðendum Innlent Helga aðeins 15 mínútur að landa fyrsta laxinum Innlent Heimamanna bíður það verkefni að finna nafn á nýja lónið sem er komið til að vera Innlent Hítará hefur fundið sér nýjan farveg Innlent Ætlar alla leið í baráttu fyrir nafninu sínu Innlent Veiðileyfasali fékk engar bætur dæmdar fyrir þjófnað í Kjarrá Innlent Fresta íbúakosningu í Ölfusi um mölunarverksmiðju Innlent Fleiri fréttir Þrjátíu ár fyrir árásina á mann þingforsetans Segir Rússa ekki hafa í hyggju að taka Kharkív Viðtal á Stöð 2 kveikir upp í færeyskum stjórnmálum Reyndi að kveikja í bænahúsi gyðinga og var skotinn til bana Spánverjar neita skipi með vopn innanborðs um að leggja að bryggju „Einfari“ ákærður fyrir tilræðið við Fico Hver er Robert Fico? Neyðarástandi lýst yfir á Nýju-Kaledóníu eftir miklar óeirðir Ágreiningur innan stjórnarinnar brýst upp á yfirborðið Hægriflokkar ná saman um myndun ríkisstjórnar Samið um kappræður í júní og september Fico ekki talinn í lífshættu Þróun ES-30 flugvélarinnar flutt frá Svíþjóð til Kaliforníu Þetta er vitað um árásarmanninn Biden skorar á Trump Forsætisráðherra Slóvakíu í lífshættu eftir skotárás Þverpólitískar tillögur um viðbrögð vegna gervigreindar FIFA byrjað að vinda ofan af umbótum eftir spillingarhneykslið Fulltrúar Talíbana á ráðstefnu í Ósló Fyrsta opinbera málverkið af konunginum Karli III afhjúpað í gær Gróðureldar ógna olíuvinnslumiðstöð í Kanada Gríðarleg leit gerð að mönnum sem frelsuðu fanga í Frakklandi Skriðdrekar Ísraelshers komnir inn í íbúðahverfi í Rafah Framámaður AfD sektaður fyrir að nota slagorð nasista Vill bjóða NATO að byggja nýjan flugvöll í Færeyjum Þorir að veðja bjór á að hún verði áfram forsætisráðherra Lokað á grein um barnadráp í Bretlandi Drápu fangaverði og hjálpuðu fanga að strjúka „Rússnesku lögin“ samþykkt í Georgíu Bendlaði Trump beint við þagnargreiðslurnar Sjá meira
Bandarísku forsetahjónin smituð af kórónuveirunni Donald Trump, Bandaríkjaforseti, og Melania Trump, eiginkona hans, eru smituð af kórónuveirunni sem veldur sjúkdómnum Covid-19. 2. október 2020 05:58