Sport

Katrín Tanja á topplistanum yfir markaðsvænlegasta íþróttafólk heims

Óskar Ófeigur Jónsson skrifar
Katrín Tanja Davíðsdóttir er flottur sendiherra fyrir bæði CrossFit íþróttina og íslensku þjóðina.
Katrín Tanja Davíðsdóttir er flottur sendiherra fyrir bæði CrossFit íþróttina og íslensku þjóðina. Getty/Meg Oliphant

Ísland á flottan fulltrúa á nýjum lista yfir það íþróttafólk heimsins sem er með seljanlegustu ímyndina. Lionel Messi endaði ofar en Cristiano Ronaldo.

SportsPro hefur gefið út topp fimmtíu lista sinn yfir það íþróttafólk sem á auðveldast með að breyta sterkri ímynd sinni í auglýsingatekjur. Tveir fótboltamenn eru efstir á listanum en í næstu sætum koma LeBron James og indversk krikketstjarna.

Við Íslendingar fögnum því hins vegar að Ísland á flottan fulltrúa á listanum því Katrín Tanja Davíðsdóttir er í 45. sætinu.

Katrín Tanja Davíðsdóttir er sú eina í CrossFit íþróttinni sem kemst inn á topp fimmtíu listann en heimsmeistarar síðustu ár, þau Mathew Fraser og Tia-Clair Toomey, eru hvergi sjáanleg.

Katrín Tanja Davíðsdóttir varð heimsmeistari i CrossFit 2015 og 2016 og hefur síðan haldið sér í hópi þeirra fimm bestu á öllum heimsleikunum síðan. Það varð engin breyting á því á dögunum þegar hún tryggði sér sæti í fimm manna ofurúrslitum um heimsmeistaratitilinn 2020.

Næsta á undan Katrínu Tönju eru körfuboltastjörnurnar Giannis Antetokounmpo, Zion Williamson og Anthony Davis sem eru allir framtíðar stórstjörnur í NBA-deildinni í körfubolta.

Auk frábærs árangurs í íþróttinni sjálfri þá hefur Katrín Tanja Davíðsdóttir verið eins konar sendiherra CrossFit með því að stíga fram á mörgum mismunandi stöðum. Hún sat meðal annars fyrir í Body blaði ESPN fyrst CrossFit fólks og hefur talað á ráðstefnum á vegum ESPN.

Katrín Tanja Davíðsdóttir heillar alla með keppnisskapi sínu, heilindum og prúðmennsku og það er ekkert skrýtið að hún fá það krefjandi hlutverk að tala fyrir sinni íþrótt. Katrín Tanja er líka dugleg að auglýsa Ísland og er því einnig frábær sendiherra fyrir íslensku þjóðina.

Katrín Tanja er vissulega í 45. sæti á heildarlistanum en hún er síðan í tólfta sæti meðal kvenna á listanum. Þær eru sem eru á undan henni eru tenniskonurnar Bianca Andreescu, Coco Gauff og Naomi Osaka, fimleikakonan Simone Biles, fótboltakonurnar Alex Morgan og Megan Rapinoe, frjálsíþróttakonan Dina Asher-Smith, brimbettakonurnar Kelia Termini, Bethany Hamilton og Carissa Moore og snjóbrettakonan Anna Gasser.

En aftur að öðrum á þessum athyglisverða lista. Cristiano Ronaldo nær nefnilega ekki efsta sætinu þrátt fyrir að vera með meiri auglýsingatekjur en Lionel Messi og í raun meiri auglýsingatekjur en allir íþróttamenn heimsins.

Lionel Messi tekur samt efsta sætið og SportsPro tekur þar inn í alls kyns atriði eins og Gullboltan, fylgjendur á samfélagsmiðlum, jafna stækkun fylgjendahóps í langan tíma, vegsemd í fjölmiðlum og frammistöðu merkjavöru út frá náttúrulegum efnistökum.

Cristiano Ronaldo er þannig að vinna með miklu fleiri styrktaraðilum en það er meira virði að ná samning við Lionel Messi sem er með miklu færri auglýsingasamninga en Ronaldo.

Fimmti íþróttamaðurinn á listanum og efsta konan er kanadíska tenniskonan Bianca Andreescu. Fótboltamenn eru annars afar áberandi meðal efstu íþróttamann en á topp tíu eru einnig Neymar hjá PSG (sjötti), Mo Salah hjá Liverpool (níundi) og Paulo Dybala hjá Juventus (tíundi).

Markaðsvænlegasta íþróttafólk heimsins

  • 50. Russell Westbrook (Körfubolti)
  • 49. Mikaela Shiffrin (Skíði)
  • 48. Ashleigh Barty (Tennis)
  • 47. Dorothea Wierer (Skíðaskotfimi)
  • 46. Katelyn Ohashi (Fimmleikar)
  • 45. Katrín Tanja Davíðsdóttir (Crossfit)
  • 44. Giannis Antetokounmpo (Körfubolti)
  • 43. Zion Williamson (Körfubolti)
  • 42. Anthony Davis (Körfubolti)
  • 41. Carissa Moore (Brimbretti)
  • 40. Bethany Hamilton (Brimbretti)
  • 39. Dele Alli (Fótbolti)
  • 38. Kelia Termini (Brimbretti)
  • 37. Charles Leclerc (Formúla eitt)
  • 36. Luka Doncic (Körfubolti)
  • 35. Roger Federer (Tennis)
  • 34. Son Heung-min (Fótbolti)
  • 33. Naomi Osaka (Tennis)
  • 32. Tyson Fury (Hnefaleikar)
  • 31. Anthony Joshua (Hnefaleikar)
  • 30. Tom Brady (Amerískur fótbolti)
  • 29. Anna Gasser (Snjóbretti)
  • 28. Rafael Nadal (Tennis)
  • 27. Sky Brown (Hjólabretti)
  • 26. Patrick Mahomes (Amerískur fótbolti)
  • 25. Megan Rapinoe (Fótbolti)
  • 24. Jorge Masvidal (MMA)
  • 23. Virgil van Dijk (Fótbolti)
  • 22. Dina Asher-Smith (Frjálsar íþróttir)
  • 21. Lewis Hamilton (Formúla eitt)
  • 20. Robert Lewandowski (Fótbolti)
  • 19. Paul Pogba (Fótbolti)
  • 18. Coco Gauff (Tennis)
  • 17. Alex Morgan (Fótbolti)
  • 16. Erling Haaland (Fótbolti)
  • 15. Kylian Mbappe (Fótbolti)
  • 14. Simone Biles (Fimleikar)
  • 13. Steph Curry (Körfubolti)
  • 12. Ryan Garcia (Hnefaleikar)
  • 11. Eden Hazard (Fótbolti)
  • 10. Paulo Dybala (Fótbolti)
  • 9. Mohamed Salah (Fótbolti)
  • 8. Rohit Sharma (Krikket)
  • 7. Khabib Nurmagomedov (MMA)
  • 6. Neymar Jr (Fótbolti)
  • 5. Bianca Andreescu (Tennis)
  • 4. Virat Kohli (Krikket)
  • 3. LeBron James (Körfubolti)
  • 2. Cristiano Ronaldo (Fótbolti)
  • 1. Lionel Messi (Fótbolti)


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.