Njarðvík fær víðförlan og reyndan Króata

Sindri Sverrisson skrifar 22. september 2020 14:45

Zvonko Buljan er orðinn leikmaður Njarðvíkur.

Körfuknattleiksdeild Njarðvíkur hefur klófest víðförlan og reynslumikinn Króata sem mun spila með liðinu í Dominos-deildinni í vetur.

Leikmaðurinn heitir Zvonko Buljan og er 33 ára gamall, 206 sentímetra miðherji. Hann hefur leikið í tíu löndum, aðallega í Evrópu en einnig í Argentínu, og lék meðal annars í EuroCup Challenge á árum sínum Þýskalandi, Kýpur, Ungverjalandi og Slóveníu. Hann varð tvöfaldur meistari í Slóveníu árið 2014.

Þess má til gamans geta að Buljan var skólabróðir Helenu Sverrisdóttur í TCU háskólanum í Bandaríkjunum á sínum tíma, en hann útskrifaðist árið 2010.

Dominos-deild karla UMF Njarðvík

Tengdar fréttir

Einmana á leið til Íslands

Einn nýrra leikmanna Njarðvíkur í Domino´s deild karla er á leið til Íslands og birti áhugaverða mynd úr flugvélinni þar sem hann virðist vera Palli einn í heiminum.

21. ágúst 2020 20:30

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.