Innlent

Einn smitaður í Melaskóla

Birgir Olgeirsson skrifar
Melaskóli
Melaskóli

Nemandi í sjöunda bekk í Melaskóla greindist með Covid-19 í gær. Þetta kemur fram í póst sem skólastjóri Melaskóla, Björgvin Þór Þórhallsson, sendi foreldrum og forráðamönnum nemenda í gær.

Allur bekkurinn sem nemandinn er í hefur verið sendur í sjö daga sóttkví frá og með gærdeginum, sem endar með sýnatökum. Einnig var umsjónarkennarinn sendur í sóttkví auk fjögurra annarra kennara.

Skólastjórinn bendir á að þetta sé einungis fyrsta skrefið, smitrakning gæti kallað á frekari aðgerðir.

Tekið er fram að einungis þeir sem voru nálægt viðkomandi nemanda, innan við tvo metra og í fimmtán mínútur eða meira, þurfa að fara í sóttkví.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×