Erlent

Flugfreyja smituð og fimm aðrar í sóttkví

Sylvía Hall skrifar
Smitið mun ekki raska flugáætlun Atlantic Airways.
Smitið mun ekki raska flugáætlun Atlantic Airways. Vísir/Getty

Flugfreyja hjá færeyska flugfélaginu Atlantic Airways greindist með kórónuveiruna og voru fimm aðrar settar í sóttkví á þriðjudagskvöld. Talið er að flugfreyjan hafi smitast í Danmörku.

Frá þessu er greint á vef Portal.fo þar sem er haft eftir Jóhönnu á Bergi, framkvæmdastjóra félagsins, að flugfreyjan hafi umgengist hinar freyjurnar eftir smitið. Farþegar þurfi þó ekki að hafa áhyggjur og gripið hafi verið til viðeigandi ráðstafana vegna smitsins.

„Flugfreyjurnar hafa ekki verið við störf frá því að smitið var staðfest. Við fylgjum öllum verkferlum varðandi smit,“ sagði Jóhanna og bætti við að landlæknir Færeyja hefði leiðbeint félaginu varðandi viðbrögðin.

Sex virk smit eru nú í Færeyjum og sjö eru í sóttkví samkvæmt tölum á korona.fo. Alls hafa 416 greinst með kórónuveiruna þar í landi. 

Færeyjar Faraldur kórónuveiru (COVID-19)

Tengdar fréttir

Þrír Ólafs­vöku­gestir greindust með Co­vid

Tvö innanlandsmit hafa verið staðfest í Færeyjum og voru báðir einstaklingarnir sem greindust með Covid-19 sjúkdóminn staddir á Ólafsvöku sem fór fram í Þórshöfn um helgina.

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið