Erlent

Tíu látnir eftir árás á bíla­lest vara­for­setans

Atli Ísleifsson skrifar
Lífverðir varaforsetans voru í hópi látinna og særðra.
Lífverðir varaforsetans voru í hópi látinna og særðra. AP

Tíu manns hið minnsta eru látnir eftir að sprengjuárás var gerð á bílalest afganska varaforsetans Amrullah Saleh í höfuðborginni Kabúl.

BBC segir frá því að Saleh, sem áður stýrði leyniþjónustu landsins, hafi særst lítillega, en hann var á leiðinni til vinnu þegar árásin var gerð.

Árásin er gerð á sama tíma og formlegar viðræður afganskra stjórnvalda og leiðtoga Talibana eru í þann mund að hefjast. Verður fundað í Katar og er vonast til að hægt verði að ná samkomulagi sem myndi fela í sér endalok margra ára óaldar í landinu.

Saleh hefur í gegnum árin verið hávær í andstöðu sinni við hreyfingu Talibana, en Talibanar hafa hins vegar hafnað því að bera ábyrgð á árásinni í morgun.

Saleh ræddi við fjölmiðla nokkru eftir árásina og sagðist þá hafa sloppið með lítilsháttar brunasár á annarri hendi. Hét hann því að halda stjórnmálalegri baráttu sinni áfram.

Lífverðir varaforsetans voru í hópi látinna og særðra.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×