Mikilvægt að hafa húmor og taka þessu ekki of alvarlega Sylvía Rut Sigfúsdóttir skrifar 28. ágúst 2020 10:00 Anna Aðsend mynd Söngkonan Anna Bergljót Böðvarsdóttir var að gefa út nýtt myndband við lagið sitt Addiction. Lagið gaf hún út undir nafninu Anna en hún er mikill kaffiunnandi og fjallar fyrsta lagið hennar einmitt um kaffi. Myndbandið er virkilega sumarlegt og skrautlegt, en það fæddist sem heimaverkefni fyrir skólann. „Ég stunda jazznám við Tónlistarskóla FÍH en hef dýft tánum í ótal atvinnugreinar og hvað þá lengst í kaffigeiranum,“ segir Anna í samtali við Vísi. Hún er úr Mosfellsbæ en er ættuð frá Laugavatni og kemur úr mjög músíkalskri fjölskyldu. „Ég byrjaði átta ára gömul að læra á fiðlu. Lauk miðprófi á fiðlu eftir tíu ár. Frá árunum 2010-2013 var ég í hljómsveitinni Tilviljun? og sú hljómsveit sérhæfði sig í að ná til ungs fólks með rokk/popp tónlist. Tilviljun? spilaði mest innan þjóðkirkjunnar, á æskulýðsmótum, á böllum, túraði um Noreg og gaf út eina EP plötu, en þar kom ég að laga- og textasmíðum. En þar á undan hafði ég sungið mikið í kirkjustarfi og í KFUM & KFUK frá unga aldri, var einnig tónlistarstjóri í KSS/KSF. Eftir það byrjaði ég í Kór Lindakirkju undir góðri stjórn Óskars Einarssonar. Ég hef einnig tekið þátt í sýningum hjá FÍH, sungið bakraddir hjá Hildi á Airwaves, sungið inná nokkur lög hjá Ingunni Huld og fleira svo eitthvað sé nefnt. Í dag er ég hluti af verkefnum eins og Ég & Hún með Erlu Ösp, ásamt litlum jazz böndum.“ Kaffi er í aðalhlutverki í myndbandinu Addiction.Aðsend mynd Textasmíðin erfið Anna flokkar lagið Addiction undir einhverskonar blöndu af nútíma popptónlist og 80’s fönk tónlist með áhrifum frá Stevie Wonder, Vulfpeck, Earth, Wind and Fire, Chaka Khan, Emiliana Torrini, Coldplay og Alicia Keys. Hún vildi að lagið væri grípandi og fengi hlustandann strax til þess að dansa. „Ég ætlaði mér aldrei að semja lög en Addiction fæddist haustið 2019 sem heimaverkefni fyrir lagasmíðar áfanga í Tónlistarskóla FÍH og kom ég sjálfri mér á óvart. Ég fiktaði eitthvað í tónlistar-appi með funktóna og þetta varð útkoman. Sköpunargleðin fékk að blómstra, laglínur komu til mín í tíma og ótíma, yfir morgunbollanum, í sturtu, út að keyra, í sundi og út að borða eða þegar ég síst bjóst við því. Textasmíðin fannst mér fyrst erfið en þegar ég kafaði inná við, rifjaði upp tímamót sem gleðja og kenndu manni hvað mest, þá var þetta minna mál. Það sem stóð upp úr var mikil kaffidrykkja, jólin, náttúruperlan Laugarvatn, erfið sambandslit, sjálfsvinna og úrvinnsla kvíða, því enginn getur skrifað jafn vel um mann sjálfan og maður sjálfur. Ég setti mér markmið á þrítugsafmælinu mínu að gefa út lag á þessu ári og þökk sé öllum sem hjálpuðu mér þá varð það að veruleika.“ Anna vildi að húmor væri í myndbandinuAðsend mynd Ástríða fyrir kaffi Lagið Addiction fjallar um óhóflega kaffidrykkju og sögu Önnu um kaffi, sem er stór og mikil, enda marg verðlaunuð fyrir kaffisgerð og hefur unnið í þeim bransa stóran hluta lífs síns. „Helst þykir mér vænst um kaffistundirnar með bróðir mínum, aðeins 15 ára gömul, en hann kenndi mér að drekka kaffi og útbúa fallega mjólkurlist í bolla, eins og heyra má í textanum í Addiction,“ segir Anna um innblásturinn að textanum. „Í framhaldi af því kviknaði þessi mikla ástríða á kaffiheiminum. Ég vann sem kaffibarþjónn í 12 ár, og kynntist yndislegu fólki á leið minni með Te&Kaffi. Reynslan mín og þekking þaðan, ásamt mikilli unun á kaffi, varð aðal innblásturinn fyrir textann. Kaffi spilar stórt hlutverk í lífi Önnu og í uppáhaldi er nýmöluð hæg uppáhelling eins og upp á gamla mátann. „Helst kaffibaunir frá Hondúras, Bólivíu, Guatemala eða Afríku. Svart, sykurlaust og leyfa bragðtónunum að leika við bragðlaukana.“ Skrautleg förðun og fljúgandi kaffibaunir.Aðsend mynd Draumurinn varð að veruleika Anna segir að sem tónlistarkona standi hún fyrir valdeflingu kvenna, frelsið til að vera maður sjálfur og taka aldrei neitt of alvarlega. Hugmyndin að myndbandinu kom út frá laginu sjálfu. „En mér fannst líka mikilvægt að hafa smá húmor í því, ekki taka neinu of alvarlega. Þetta er hresst funklag með grípandi takti svo mig langaði í eintóma stemningu, drekka fullt af kaffibollum og fá fólk til að grúva. Þema myndbandsins er retró 80's-90's, litríkt, enda er ég gömul sál og þrífst fyrir gamla tískustrauma, hvort sem við kemur tónlistarstefnu eða fatastíl. Mér þykir fátt betra en að versla í Wasteland Reykjavik og þræða Rauðakrossbúðirnar. Ég er afar þakklát Te&Kaffi og Wasteland fyrir dásamlegan stuðning, bróðir mínum, Eiríki Inga Böðvarssyni fyrir gerð tónlistarmyndbandsins og hljómsveitinni minni sem gerðu mér kleift að láta drauminn rætast.“ Anna er komin með efni í heila plötu og er meðeitt jólalag á leiðinni sem kemur út jólin 2020. Hún er einnig í litlu jazz tríói sem hún væri til í að gefa eitthvað út með. „Svo mest af öllu hlakkar mig til að loksins geta sungið á tónleikum aftur þegar COVID lætur sig hverfa á brott.“ Tónlist Mest lesið Vítalía og Arnar Grant í kossaflensi Lífið Missti allar tærnar þrjátíu árum eftir að konan skar undan honum Lífið Ási selur íbúðina eftir sambandsslitin Lífið Með milljónir fylgjenda og lætur drauminn rætast í London Lífið Gunna Dís kynnir Eurovision í stað Gísla Marteins Lífið Sofia Vergara með fjallmyndarlegum lækni Lífið Fengu sér miðnætursnarl í Skotlandi Lífið Laufey í Vogue ásamt Rihönnu Lífið „Ég fæ það of fljótt, hvað get ég gert?“ Lífið Galvaskar á Gugguvaktinni Lífið Fleiri fréttir Bergur og Inga Lóa selja eitt glæsilegasta hús Garðabæjar Sofia Vergara með fjallmyndarlegum lækni Gunna Dís kynnir Eurovision í stað Gísla Marteins Vítalía og Arnar Grant í kossaflensi Fengu sér miðnætursnarl í Skotlandi Ási selur íbúðina eftir sambandsslitin Laufey í Vogue ásamt Rihönnu Gengur hundrað kílómetra með hundrað kílóa sleða Bassi Maraj og Patrekur í svínslegu stuði Með milljónir fylgjenda og lætur drauminn rætast í London Missti allar tærnar þrjátíu árum eftir að konan skar undan honum „Ég fæ það of fljótt, hvað get ég gert?“ Eyfi flutti Nínu með Hinsegin kórnum Steldu stíl nýja ráðherrans Litfögur listamannaíbúð í Hlíðunum Systkinin í Celebs frumfluttu lag Barnamenningarhátíðar Galvaskar á Gugguvaktinni Ragnar dillaði sér á Dillon og nýr ráðherra naut lífsins í Borgartúni Þorði loks á 22, gekk að Felix og sagði hæ Stórstjarnan Bríet fagnaði 25 árum með stæl Þetta þarf að hafa í huga fyrir mataræði hvolpa „Draumur að verða að veruleika“ Stjörnulífið: „Þarna á sviðinu er æskudraumur að rætast“ Eyþór Ingi og Andrea Gylfa nelgdu eitt vinsælasta lag Grafík Sister Sledge á leið til Íslands Lykilfólkið á bak við tjöldin hjá forsetaefnunum Hefur miklar áhyggjur af áhuga ungra stúlkna á snyrtivörum „Umkringdu þig fólki sem leitar af sannleikanum“ Hélt fram á síðasta dag að framboð Katrínar væri della Fengið gjöf á hverju ári frá Tom Cruise síðan 2005 Sjá meira
Söngkonan Anna Bergljót Böðvarsdóttir var að gefa út nýtt myndband við lagið sitt Addiction. Lagið gaf hún út undir nafninu Anna en hún er mikill kaffiunnandi og fjallar fyrsta lagið hennar einmitt um kaffi. Myndbandið er virkilega sumarlegt og skrautlegt, en það fæddist sem heimaverkefni fyrir skólann. „Ég stunda jazznám við Tónlistarskóla FÍH en hef dýft tánum í ótal atvinnugreinar og hvað þá lengst í kaffigeiranum,“ segir Anna í samtali við Vísi. Hún er úr Mosfellsbæ en er ættuð frá Laugavatni og kemur úr mjög músíkalskri fjölskyldu. „Ég byrjaði átta ára gömul að læra á fiðlu. Lauk miðprófi á fiðlu eftir tíu ár. Frá árunum 2010-2013 var ég í hljómsveitinni Tilviljun? og sú hljómsveit sérhæfði sig í að ná til ungs fólks með rokk/popp tónlist. Tilviljun? spilaði mest innan þjóðkirkjunnar, á æskulýðsmótum, á böllum, túraði um Noreg og gaf út eina EP plötu, en þar kom ég að laga- og textasmíðum. En þar á undan hafði ég sungið mikið í kirkjustarfi og í KFUM & KFUK frá unga aldri, var einnig tónlistarstjóri í KSS/KSF. Eftir það byrjaði ég í Kór Lindakirkju undir góðri stjórn Óskars Einarssonar. Ég hef einnig tekið þátt í sýningum hjá FÍH, sungið bakraddir hjá Hildi á Airwaves, sungið inná nokkur lög hjá Ingunni Huld og fleira svo eitthvað sé nefnt. Í dag er ég hluti af verkefnum eins og Ég & Hún með Erlu Ösp, ásamt litlum jazz böndum.“ Kaffi er í aðalhlutverki í myndbandinu Addiction.Aðsend mynd Textasmíðin erfið Anna flokkar lagið Addiction undir einhverskonar blöndu af nútíma popptónlist og 80’s fönk tónlist með áhrifum frá Stevie Wonder, Vulfpeck, Earth, Wind and Fire, Chaka Khan, Emiliana Torrini, Coldplay og Alicia Keys. Hún vildi að lagið væri grípandi og fengi hlustandann strax til þess að dansa. „Ég ætlaði mér aldrei að semja lög en Addiction fæddist haustið 2019 sem heimaverkefni fyrir lagasmíðar áfanga í Tónlistarskóla FÍH og kom ég sjálfri mér á óvart. Ég fiktaði eitthvað í tónlistar-appi með funktóna og þetta varð útkoman. Sköpunargleðin fékk að blómstra, laglínur komu til mín í tíma og ótíma, yfir morgunbollanum, í sturtu, út að keyra, í sundi og út að borða eða þegar ég síst bjóst við því. Textasmíðin fannst mér fyrst erfið en þegar ég kafaði inná við, rifjaði upp tímamót sem gleðja og kenndu manni hvað mest, þá var þetta minna mál. Það sem stóð upp úr var mikil kaffidrykkja, jólin, náttúruperlan Laugarvatn, erfið sambandslit, sjálfsvinna og úrvinnsla kvíða, því enginn getur skrifað jafn vel um mann sjálfan og maður sjálfur. Ég setti mér markmið á þrítugsafmælinu mínu að gefa út lag á þessu ári og þökk sé öllum sem hjálpuðu mér þá varð það að veruleika.“ Anna vildi að húmor væri í myndbandinuAðsend mynd Ástríða fyrir kaffi Lagið Addiction fjallar um óhóflega kaffidrykkju og sögu Önnu um kaffi, sem er stór og mikil, enda marg verðlaunuð fyrir kaffisgerð og hefur unnið í þeim bransa stóran hluta lífs síns. „Helst þykir mér vænst um kaffistundirnar með bróðir mínum, aðeins 15 ára gömul, en hann kenndi mér að drekka kaffi og útbúa fallega mjólkurlist í bolla, eins og heyra má í textanum í Addiction,“ segir Anna um innblásturinn að textanum. „Í framhaldi af því kviknaði þessi mikla ástríða á kaffiheiminum. Ég vann sem kaffibarþjónn í 12 ár, og kynntist yndislegu fólki á leið minni með Te&Kaffi. Reynslan mín og þekking þaðan, ásamt mikilli unun á kaffi, varð aðal innblásturinn fyrir textann. Kaffi spilar stórt hlutverk í lífi Önnu og í uppáhaldi er nýmöluð hæg uppáhelling eins og upp á gamla mátann. „Helst kaffibaunir frá Hondúras, Bólivíu, Guatemala eða Afríku. Svart, sykurlaust og leyfa bragðtónunum að leika við bragðlaukana.“ Skrautleg förðun og fljúgandi kaffibaunir.Aðsend mynd Draumurinn varð að veruleika Anna segir að sem tónlistarkona standi hún fyrir valdeflingu kvenna, frelsið til að vera maður sjálfur og taka aldrei neitt of alvarlega. Hugmyndin að myndbandinu kom út frá laginu sjálfu. „En mér fannst líka mikilvægt að hafa smá húmor í því, ekki taka neinu of alvarlega. Þetta er hresst funklag með grípandi takti svo mig langaði í eintóma stemningu, drekka fullt af kaffibollum og fá fólk til að grúva. Þema myndbandsins er retró 80's-90's, litríkt, enda er ég gömul sál og þrífst fyrir gamla tískustrauma, hvort sem við kemur tónlistarstefnu eða fatastíl. Mér þykir fátt betra en að versla í Wasteland Reykjavik og þræða Rauðakrossbúðirnar. Ég er afar þakklát Te&Kaffi og Wasteland fyrir dásamlegan stuðning, bróðir mínum, Eiríki Inga Böðvarssyni fyrir gerð tónlistarmyndbandsins og hljómsveitinni minni sem gerðu mér kleift að láta drauminn rætast.“ Anna er komin með efni í heila plötu og er meðeitt jólalag á leiðinni sem kemur út jólin 2020. Hún er einnig í litlu jazz tríói sem hún væri til í að gefa eitthvað út með. „Svo mest af öllu hlakkar mig til að loksins geta sungið á tónleikum aftur þegar COVID lætur sig hverfa á brott.“
Tónlist Mest lesið Vítalía og Arnar Grant í kossaflensi Lífið Missti allar tærnar þrjátíu árum eftir að konan skar undan honum Lífið Ási selur íbúðina eftir sambandsslitin Lífið Með milljónir fylgjenda og lætur drauminn rætast í London Lífið Gunna Dís kynnir Eurovision í stað Gísla Marteins Lífið Sofia Vergara með fjallmyndarlegum lækni Lífið Fengu sér miðnætursnarl í Skotlandi Lífið Laufey í Vogue ásamt Rihönnu Lífið „Ég fæ það of fljótt, hvað get ég gert?“ Lífið Galvaskar á Gugguvaktinni Lífið Fleiri fréttir Bergur og Inga Lóa selja eitt glæsilegasta hús Garðabæjar Sofia Vergara með fjallmyndarlegum lækni Gunna Dís kynnir Eurovision í stað Gísla Marteins Vítalía og Arnar Grant í kossaflensi Fengu sér miðnætursnarl í Skotlandi Ási selur íbúðina eftir sambandsslitin Laufey í Vogue ásamt Rihönnu Gengur hundrað kílómetra með hundrað kílóa sleða Bassi Maraj og Patrekur í svínslegu stuði Með milljónir fylgjenda og lætur drauminn rætast í London Missti allar tærnar þrjátíu árum eftir að konan skar undan honum „Ég fæ það of fljótt, hvað get ég gert?“ Eyfi flutti Nínu með Hinsegin kórnum Steldu stíl nýja ráðherrans Litfögur listamannaíbúð í Hlíðunum Systkinin í Celebs frumfluttu lag Barnamenningarhátíðar Galvaskar á Gugguvaktinni Ragnar dillaði sér á Dillon og nýr ráðherra naut lífsins í Borgartúni Þorði loks á 22, gekk að Felix og sagði hæ Stórstjarnan Bríet fagnaði 25 árum með stæl Þetta þarf að hafa í huga fyrir mataræði hvolpa „Draumur að verða að veruleika“ Stjörnulífið: „Þarna á sviðinu er æskudraumur að rætast“ Eyþór Ingi og Andrea Gylfa nelgdu eitt vinsælasta lag Grafík Sister Sledge á leið til Íslands Lykilfólkið á bak við tjöldin hjá forsetaefnunum Hefur miklar áhyggjur af áhuga ungra stúlkna á snyrtivörum „Umkringdu þig fólki sem leitar af sannleikanum“ Hélt fram á síðasta dag að framboð Katrínar væri della Fengið gjöf á hverju ári frá Tom Cruise síðan 2005 Sjá meira