Saba Sahar, leikkona og fyrsta leikstýra Afganistan, var skotin í dag. Hún var flutt á sjúkrahús eftir að þrír menn hófu skothríð á bíl hennar þegar hún var á leið í vinnu. Sahar hefur einnig barist lengi fyrir auknum réttindum kvenna í Afganistan.
Emal Zaki, eiginmaður hennar, segir að fimm manns hafi verið í bílnum. Í samtali við BBC segir hann tvo lífverði Sahar hafa særst í árásinni en barn og bílstjóri hafi sloppið án meiðsla.
Skömmu eftir að hún fór frá heimili þeirra heyrði hann skothríð og hringdi í hana. Sahar sagðist hafa fengið skot í magann. Hann fór sjálfur með þau særðu á sjúkrahús og Sahar gekkst vel heppnaða aðgerð.
Mannréttindasamtökin Amnesty International segjast hafa markað ógnvænlega aukningu í árásum á leikara og fólk sem berst fyrir mannréttindum.
Afghanistan: The rise in attacks and assassination attempts on human rights defenders, political activists, journalists and film actors is extremely worrying. These attacks must be investigated and the perpetrators held accountable. The authorities must protect everyone at risk. https://t.co/0VGT7G4Mlm
— Amnesty International South Asia (@amnestysasia) August 25, 2020
