Erlent

Greindist aftur með kórónuveiruna

Margrét Helga Erlingsdóttir skrifar
Götulífið í Wan Chai í Hong Kong.
Götulífið í Wan Chai í Hong Kong. Unsplash/Alison Pang

Vísindamenn frá Háskólanum í Hong Kong greina frá því í yfirlýsingu að maður á fertugsaldri hafi sýkst af kórónuveirunni í annað sinn. Fjórir og hálfur mánuður leið á milli sýkinganna.

„Að því er virðist hefur ungur og heilbrigður maður smitast aftur af kórónuveirunni, sem hann greindist með fyrir fjórum og hálfum mánuði síðan.“ Þetta kemur fram í yfirlýsingu frá Háskólanum í Hong Kong en New York Times fjallar um málið.

Uppgötvun vísindamannanna gefur til kynna að mótefni fyrir veirunni geti varið í einungis nokkra mánuði fyrir vissa einstaklinga. Hún gæti þá einnig flækt mjög þróun bóluefnis.

Umræddur Covid-19 sjúklingur var með væg einkenni í fyrra skiptið en engin í það seinna. Smitið uppgötvaðist eftir sýnatöku við komuna til Hong Kong en maðurinn hafði verið á ferðalagi á Spáni. Raðgreining sýnir að maðurinn hafi veikst af sama afbrigði og er í mikilli útbreiðslu í Evrópu.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.