Kvöldfréttir Stöðvar 2

Í kvöldfréttum Stöðvar 2 segjum við frá samningunum sem náðust í nótt og innifela töluverðar breytingar á vinnutíma fimmtán þúsund félagsmanna BSRB.

Við segjum líka nýjustu fréttir af kórónuveirunni, og tölum við veitingamann sem varð fyrir miklu höggi þegar sex árshátíðum var aflýst á síðustu stundu. Hann sat uppi með ríflega tíu þúsund skammta af mat sem hann segist hafa orðið að henda.

Í Kína hefur tekist að hefta útbreiðslu veirunnar en í Evrópu grípa stöðugt fleiri ríki til takmarkana á samkomum og samgöngum. Almenningur á Íslandi er hvattur til þess að fara ekki á skíðasvæði neins staðar í Ölpunum.

Í fréttatímanum tölum við líka við bæjarstjóra Bolungarvíkur sem er hæstánægður með styrk til að byggja útsýnispall á Bolafjalli og sýnum kvikmyndir af eldgosinu í Heimaey sem hafa ekki fyrr birst almenningi.