Fyrirliði Evrópumeistaranna frá í þrjár vikur
Jordan Henderson, fyrirliði Liverpool, verður frá næstu þrjár vikurnar vegna meiðsla en hann meiddist í leik gegn Atletico Madrid í Meistaradeildinni fyrr í vikunni.
Henderson fór af velli á 80. mínútu eftir að hafa þurft aðhlynningu nokkrum mínútum áður. Liverpool tapaði leiknum 1-0 en Saul Niguez skoraði sigurmarkið á 4. mínútu.
Meiðsli Henderson eru aftan í læri en það hefur margoft sannað sig að svoleiðis meiðsli er erfitt að berjast við.
Liverpool captain Jordan Henderson will be out for three weeks with a hamstring injury
— Sky Sports News (@SkySportsNews) February 21, 2020
Liverpool er með 22 stiga forystu á toppi ensku úrvalsdeildarinnar en liðið mætir Atletico Madrid í síðari leiknum í 16-liða úrslitunum þann 11. mars. Það er ljóst að Henderson verður í kapphlaupi við tímann að ná þeim.
Enski landsliðsmaðurinn mun missa af leik Liverpool gegn West Ham á mánudagskvöldið og deildarleik gegn Watford um aðra helgi. Liðið spilar svo við Chelsea í enska bikarnum þann 3. mars áður en liðið mætir Bournemouth í síðasta leiknum fyrir leikinn gegn Atletico.
Jordan Henderson: Only Liverpool teammate Roberto Firmino (26) has won possession in the attacking third more times than Henderson (24) in the Premier League this season pic.twitter.com/YfO5BlFMRh
— WhoScored.com (@WhoScored) February 21, 2020
Tengdar fréttir
Ummæli Klopp fóru í taugarnar á stjörnum Atletico
Jurgen Klopp, stjóri Liverpool, skaut aðeins á leikmenn Atletico Madrid eftir leik liðanna í Meistaradeildinni í vikunni og það virðist ekki hafa farið vel í leikmenn Atletico.
