Innlent

Maðurinn kominn til Eskifjarðar heill á húfi

Vésteinn Örn Pétursson skrifar
Maðurinn lenti í sjálfheldu á Hólmatindi.
Maðurinn lenti í sjálfheldu á Hólmatindi. Mynd/Daníel Cekic

Manninum sem lenti í sjálfheldu á Hólmatindi við Eskifjörð var bjargað um borð í TF-EIR, þyrlu Landhelgisgæslunnar, um klukkan átta í kvöld. Þetta kemur fram í tilkynningu frá Landhelgisgæslunni.

Björgunarsveitir á vegum Landsbjargar og þyrlusveit Landhelgisgæslunnar voru kallaðar út til bjargar manninum. Þyrlan var komin í loftið á sjöunda tímanum og komin á vettvang rétt fyrir klukkan átta.

Sex mínútum síðar var maðurinn kominn um borð í þyrluna og var við góða heilsu. Manninum var flogið til Eskifjarðar og þyrlunni flogið aftur að Hólmatindi þar sem björgunarsveitarmenn voru sóttir.

Fjarðabyggð Landhelgisgæslan
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið