Enski boltinn

Spila á sama velli og drógust saman í enska bikarnum

Óskar Ófeigur Jónsson skrifar
Coventry City og Birmingham City spila bæði í bláum búningum en bara ekki eins bláum.
Coventry City og Birmingham City spila bæði í bláum búningum en bara ekki eins bláum. Getty/Jan Kruger/

Coventry City og Birmingham City ætla að skipta á milli sín aðgöngumiðunum í bikarleik þeirra um þar næstu helgi. Þetta er óvenjulegt enda eru þessi tvö félög í óvenjulegri aðstöðu.

Coventry City og Birmingham City drógust á móti hvoru öðru í 4. umferð ensku bikarkeppninnar og fer leikurinn fram 25. janúar næstkomandi.

Í enska bikarnum er það venjan að útiliðið fái aðeins lítinn hluta af miðunum í bikarleikjum en félögin ákváðu hins vegar að skipta miðunum á milli sín. Það er góð ástæða fyrir því.


Coventry City og Birmingham City eru nefnilega nágrannalið og að auki deila þau leikvangi á þessu tímabili.

Bikarleikur liðanna fer fram á St Andrew's sem er venjulega bara heimavöllur Birmingham City. Birmingham City hefur spilað á vellinum síðan 1906 eða í meira en hundrað ár.

Á þessu tímabili fékk Coventry City að spila heimaleiki sína á leikvanginum og það er Coventry sem er á heimavelli í umræddum bikarleik.

Coventry City átti í deilum um leigu á heimavelli sínum, Ricoh Arena, og svo fór á endanum að viðræðurnar leystust upp og félagið ákvað að leita til Birmingham City.

Á milli leikvanganna eru um 35 kílómetrar en Coventry er 360 þúsund manna borg, vestur af Birmingham.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.