United samþykkir tilboð Inter í Young
Manchester United hefur samþykkt tilboð Inter í Ashley Young. Sky á Ítalíu greinir frá.
Talið er að Inter greiði um 1,3 milljónir punda fyrir Young. Hann gerir eins og hálfs árs samning við Inter.
BREAKING: A £1.3m deal to bring Ashley Young to Inter Milan from Manchester United has been completed, according to Sky in Italy.
— Sky Sports News (@SkySportsNews) January 16, 2020
Young kom til United frá Aston Villa sumarið 2011. Hann hefur verið aðalfyrirliði United frá því síðasta sumar.
Young, sem er 34 ára, hefur ekki verið í leikmannahópi United í síðustu tveimur leikjum liðsins.
Hann lék 261 leik fyrir United og skoraði 19 mörk. Young hefur leikið 39 leiki fyrir enska landsliðið og skorað sjö mörk.
Inter er í 2. sæti ítölsku úrvalsdeildarinnar, tveimur stigum á eftir toppliði Juventus.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
