Körfubolti

Ekkert fær Lillard stöðvað og Phoenix á hvínandi siglingu

Anton Ingi Leifsson skrifar
Damian Lillard.
Damian Lillard. Vísir/Getty

Það fær fátt stöðvað Damian Lillard þessa daganna í NBA-búbblunni en hann heldur áfram að raða inn stigum fyrir Portland.

Lillard hefur verið sjóðandi heitur að undanförnu og ekki kólnaði hann í nótt er Portland vann þriggja stiga sigru á Dallas, 134-131.

Hann skoraði nefnilega 61 stig. Það mesta sem hann hefur gert á ferlinum og heldur áfram að draga sitt lið áfram.

Kristaps Porziņģis var stigahæstur hjá Dallas með 36 stig.

Phoenix Suns hefur nú unnið sjö leiki í röð eftir að liðið vann þrettán stiga sigur á Philadelphia, 130-117, í nótt.

Phoenix er í baráttu um sæti í úrslitakeppninni en einu sinni sem oftar var það Devin Booker sem var stigahæstur.

Úrslit næturinnar:

Milwaukee - Washington 126-113

New Orleans - Sacramento 106-112

Portland - Dallas 134-131

Boston - Memphis 122-107

Phoenix - Philadelphia 130-117

Brooklyn - Orlando 108-96

Houston - San Antonio 105-123

NBA



Fleiri fréttir

Sjá meira


×