Átta liða úrslitin byrja, sænski boltinn og golf

Sýnt verður beint frá þremur viðburðum á sportrásum Stöðvar 2 í dag. Þá hefjast átta liða úrslit Meistaradeildar Evrópu auk þess sem sýnt verður beint frá leik í sænsku úrvalsdeildinni og frá móti á PGA-mótaröðinni í golfi.

Atalanta og Paris Saint-Germain mætast í fyrsta leik átta liða úrslita Meistaradeildarinnar klukkan 19:00 á Stöð 2 Sport 2. Vegleg umfjöllun verður fyrir og eftir leikinn.

Sýnt verður beint frá leik liðanna í 2. og 3. sæti sænsku úrvalsdeildarinnar, Rosengård og Linköping. Leikurinn hefst klukkan 17:00 á Stöð 2 Sport. Glódís Perla Viggósdóttir leikur með Rosengård sem getur komist á topp deildarinnar með hagstæðum úrslitum.

Þá verður sýnt beint frá Wyndham Rewards Challenge mótinu í golfi. Bein útsending hefst á Stöð 2 Golf klukkan 18:00.

Alla dagskrá dagsins má sjá hér.