Erlent

Berjast við gróðurelda í Kaliforníu

Kristín Ólafsdóttir skrifar
Eldarnir geisa Cherry-dal í Kaliforníu.
Eldarnir geisa Cherry-dal í Kaliforníu. Vísir/getty

Þúsundum hefur verið gert að yfirgefa heimili sín í dag vegna gróðurelda sem nú geisa austur af borginni Los Angeles í Kaliforníu. Eldarnir mögnuðust gríðarlega að umfangi í dag og hafa slökkviliðsmenn átt erfitt um vik í sumarhitanum.

Eldarnir hafa hlotið nafnið „Eplaeldurinn“ (e. Apple fire). Þeir loga í Cherry-dal í Riverside- og San Bernardino-sýslum og hafa lagt undir sig um 60 ferkílómetra á svæðinu. Lögregla rannsakar nú upptök eldanna.

Engum sögum hefur farið af slysum á fólki en að minnsta kosti eitt íbúðarhús og tvær byggingar til viðbótar hafa orðið eldinum að bráð. Alls hafa um átta þúsund íbúar Riverside-sýslu þurft að yfirgefa heimili sín vegna eldanna.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×