Innlent

Afköst Sultartangavirkjunar skert eftir skriðu

Kjartan Kjartansson skrifar
Frá Sultartangavirkjun. Skriða féll í afrennslisskurðinn fyrir neðan virkjunina og við það gekk vatn aftur inn í hana.
Frá Sultartangavirkjun. Skriða féll í afrennslisskurðinn fyrir neðan virkjunina og við það gekk vatn aftur inn í hana. Landsvirkjun

Önnur vél Sultartangavirkjunar gengur ekki og hin er á hálfum hraða eftir að vatn gekk inn í virkjunina þegar skriða féll í afrennslisskurð fyrir neðan hana síðdegis í gær. Engar skemmdir urðu og koma skert afköst virkjunarinnar ekki niður á afhendingu orku, að sögn upplýsingafulltrúa Landsvirkjunar.

Jarðvegur hrundi ofan í skurðinn úr veggnum yfir honum í gær. Við það gekk bylgja inn í stöðina sem olli því að annarri vélinni sló út. Hin vélin hefur verið á hálfum afköstum síðan. Ragnhildur Sverrisdóttir, upplýsingafulltrúi Landsvirkjunar, segir að unnið hafi verið að því í dag að moka jarðveginum upp úr skurðinum. Búist sé við því að stöðin verði komin í eðlilegan rekstur á morgun.

Fullyrðir hún að engar skemmdir hafi orðið og að engin varanleg áhrif verði af völdum skriðunnar.

„Það eru engar skemmdir. Þetta sló hana bara kalda í bili,“ segir Ragnhildur.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.