Það eru margir kylfingar búnir að vera að leika gott golf á Rocket Mortgage Classic mótinu á PGA mótaröðinni í golfi.
Eftir annan hring af fjórum eru þeir Chris Kirk og Webb Simpson efstir á tólf höggum undir pari. Kirk lék á sjö undir og Simpson á átta undir í dag. Sex kylfingar eru á ellefu höggum undir pari eftir daginn, þar á meðal Bryson DeChambeau.
Rickie Fowler er á sex höggum undir pari en hann lék á einu höggi undir í dag. Bubba Watson komst ekki í gegnum niðurskurðinn aðra helgina í röð.
Þriðji og næstsíðasti hringur mótsins verður í beinni útsendingu á Stöð 2 Golf á morgun frá kl. 17:00.
