Innlent

Rannsókn á máli Rúmenanna lokið

Telma Tómasson skrifar
Málið var til rannsóknar hjá lögreglunni á Suðurlandi.
Málið var til rannsóknar hjá lögreglunni á Suðurlandi. Vísir/Vilhelm

Rannsókn lögreglunnar á Suðurlandi á málum þriggja Rúmena, sem grunaðir eru um búðarhnupl, er lokið. Hefur málunum verið vísað til ákæruvaldsins, sem vinnur að framhaldi þeirra með Útlendingastofnun.

Fólkið, tveir karlar og ein kona, eru enn í farsóttahúsinu, tvennt í einangrun og einn í sóttkví. Aðrir landar þeirra sem voru í farsóttahúsinu og fjallað hefur verið um í fjölmiðlum eru ekki lengur í sóttkví og bíða nú úrlausnar sinna mála.

Útlendingastofnun vísaði sjö þessara einstaklinga úr landi, en þeir kærðu allir úrskurðinn og óskuðu eftir að réttaráhrifum yrði frestað.

Var málum þeirra vísað til kærunefndar útlendingamála þar sem þau eru nú til meðferðar.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×