Ákærður fyrir að hafa orðið eiginkonu sinni að bana í Sandgerði

Kristín Ólafsdóttir skrifar 24. júní 2020 13:32

Málið verður líklega þingfest í Héraðsdómi Reykjaness í byrjun næstu viku. Vísir/vilhelm

Karlmaður á sextugsaldri hefur verið ákærður fyrir að hafa orðið eiginkonu sinni að bana í Sandgerði í lok mars. Þetta staðfestir Kolbrún Benediktsdóttir aðstoðarhéraðssaksóknari í samtali við Vísi en Fréttablaðið greindi fyrst frá ákærunni.

Konan lést þann 28. mars síðastliðinn en maðurinn var ekki handtekinn fyrr en fjórum dögum síðar. Hann hefur verið í gæsluvarðhaldi síðan.

Í fyrstu var talið að ekkert óeðlilegt væri við andlát konunnar en við krufningu vaknaði sterkur grunur um að maðurinn hefði orðið henni að bana. Heimildir fréttastofu herma að hann hafi þrengt að öndunarvegi konunnar.

Ákæran hefur ekki enn verið birt manninum. Málið verður líklega þingfest í Héraðsdómi Reykjaness í byrjun næstu viku.

Manndráp í Sandgerði Suðurnesjabær Lögreglumál

Tengdar fréttir

Hinn grunaði í Sandgerði áfram í gæsluvarðhaldi

Karlmaður á sextugsaldri, sem grunaður er um að hafa orðið sambýliskonu sinni að bana á heimili þeirra í Sandgerði í lok mars, var á miðvikudag úrskurðaður í áframhaldandi gæsluvarðhald til 16. júní.

22. maí 2020 11:00

Staðfesta framlengt gæsluvarðhald yfir hinum grunaða í Sandgerði

Framlengdur gæsluvarðhaldsúrskurður yfir manni á sextugsaldri sem grunaður er um að hafa orðið sambýliskonu sinni að bana á heimili þeirra í Sandgerði í lok síðast mánaðar hefur verið staðfestur af Landsrétti.

26. apríl 2020 13:23

Tvö andlát rannsökuð sem sakamál: Aukin hætta á heimilisofbeldi á tímum COVID-19

Tveir karlmenn eru í haldi lögreglu vegna láts konu um sextugt í heimahúsi í Hafnarfirði í nótt. Þriðji karlmaðurinn er í gæsluvarðhaldi í tengslum við lát konu í Sandgerði fyrir rúmri viku.

6. apríl 2020 19:35

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.