Lífið

Snjódrífurnar nánast komnar á leiðarenda

Sylvía Hall skrifar
Leiðangur hópsins hófst fyrir viku.
Leiðangur hópsins hófst fyrir viku. Mynd úr einkasafni

Snjódrífurnar eiga nú lítið eftir af rúmlega 150 kílómetra ferðalagi sínu yfir Vatnajökul og stefna að því að klára ferðina síðdegis. Þá komist þær loksins í „munað hversdagsleikans“ og geti til að mynda farið í sturtu.

„Það hefur gengið rosalega vel í heildina. Þetta er búið að vera áskorun, við höfum fengið ýmis veður á okkur. Helminginn af tímanum hefur verið mjög gott veður en við höfum lent í því vera blautar og kaldar í vindi eins og fylgir því að fara í leiðangur,“ segir Vilborg Arna Gissurardóttir pól- og Everestfari og einn leiðangursstjóra ferðarinnar.

Hún segir álagsmeiðsl fylgja svona leiðangri, einhver fótamein séu farin að gera vart við sig en þær finni þó að leiðangurinn hefur styrkt þær.

„Við gistum í skála í Geldingafjalli í nótt og förum yfir á Egilsstaði á morgun. Þá getum við loksins komist í smá dekur, sturtu og svona,“ segir Vilborg og hlær.

„Það er rosalega góður andi og ferðin hefur gengið rosalega vel. Hópurinn er mjög samstilltur og ég hef sjaldan verið í svona ferð þar sem hópurinn hefur náð svona góðri stemningu.“

Hún segir lífskraft hafa einkennt ferðina og þær séu þakklátar fyrir sýndan stuðning. Margir hafi gengið til þess að sýna samstöðu með ferðalaginu, þær séu þakklátar fyrir það og sendi öllum þeim sem hafa tekið þátt á einn eða annan hátt hlýjar kveðjur.

Uppfært klukkan 15:40: Hópurinn hefur lokið göngunni og er kominn á leiðarenda.

Hægt er að styðja við Lífskraft með því að senda SMS í símanúmerið 1900

Sendið textann LIF1000 fyrir 1.000 kr. Sendið textann LIF3000 fyrir 3.000 kr.

Sendið textann LIF5000 fyrir 5.000 kr. Sendið textann LIF10000 fyrir 10.000 kr.

Einnig er að styðja við Lífskraft með því að leggja inn á reikning 1161-26-9900, kt. 501219-0290, eða með AUR appinu í síma 789 4010.


Tengdar fréttir

Algjör kuldaskræfa en þverar nú Vatnajökul

Kvennahópurinn sem nú þverar Vatnajökul er nú á sjöunda degi leiðangursins. Það var þungt færi hjá hópnum í gær, blöðrur og blautir fætur og kalt. Þrátt fyrir lélegt skyggni, birti þó til um miðjan dag og Snjódrífurnar gengu beint í austur átt.

Svaf úti í garði í rauðri viðvörun í tíu daga í Covid

Hólmfríður Vala Svavarsdóttir safnar fyrir Kraft og Líf með því að þvera Vatnajökul ásamt góðum hópi kvenna. Vala er búsett á Ísafirði og náði því ekki að æfa mikið með hópnum, en hún dó ekki ráðalaus.

Hópurinn ekki sterkari en veikasti hlekkurinn

Snemma á sunnudag fór hópur kvenna af stað upp á Vatnajökul en þær ætla að þvera jökulinn á tíu dögum fyrir góð málefni. Snjódrífan Brynhildur Ólafsdóttir er fararstjóri leiðangursins ásamt Vilborgu Örnu Gissurardóttur pól- og Everestfara.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.