Sport

Fjórum Íslendingum boðið keppa við þau bestu í heimi án þess að fara neitt

Óskar Ófeigur Jónsson skrifar
Sara Sigmundsdóttir er á auglýsingu Rogue Invitational mótsins þegar tíu dagar eru í það að keppnin hefst.
Sara Sigmundsdóttir er á auglýsingu Rogue Invitational mótsins þegar tíu dagar eru í það að keppnin hefst. Mynd/Instagram

Ísland á fjóra keppendur á sögulegu Rogue Invitational CrossFit móti sem fer fram með allt öðru hætti í ár en undanfarin ár.

Íslensku CrossFit stjörnurnar Sara Sigmundsdóttir, Katrín Tanja Davíðsdóttir, Þuríður Erla Helgadóttir og Björgvin Karl Guðmundsson eru meðal þeirra útvöldu og frábæru CrossFit íþróttamanna sem fá að taka þátt í Rogue Invitational mótinu í ár.

Tíu efstu frá síðustu heimsleikum var boðið á mótið og við bættist síðan að auki boð til tíu heimsklassa CrossFit íþróttamanna af hvoru kyni. Keppendur á mótinu urðu á endanum 37 eða 19 karlar og 18 konur.

Rogue Invitational mótið fer fram dagana 13. og 14. júní næstkomandi en hver keppnisdagur mun taka sjö klukkutíma og þar munu keppendur fá að reyna sig við margar krefjandi æfingar.

Það verður heldur ekkert keppt um neina smáaura því sigurvegarinn vinnur sér inn 50 þúsund Bandaríkjadala eða 6,6 milljónir króna.

View this post on Instagram

The 2nd annual Rogue Invitational will be held Saturday, June 13 and Sunday, June 14, with all coverage streaming live on RogueFitness.com/invitational and the Rogue Fitness YouTube channel from 10am to 5pm EST. As an exclusively online competition, all 37 participating athletes (19 men and 18 women) will be competing from their own chosen locations around the world, while the Rogue team simultaneously brings together each individual stream to create a single, comprehensive live broadcast. Our coverage will kick off each day with a 30-minute edition of the Iron Game studio show, featuring highlights, athlete interviews, and expert analysis. This year s line-up of competitors, once again, includes many of the biggest names in CrossFit. Follow @rogueinvitational on Instagram and Facebook for event updates and head to the link in our bio and click Set Reminder to be notified when each stream begins. #rogueinvitational #ryourogue

A post shared by Rogue Invitational (@rogueinvitational) on

Þau sem lenda í öðru sæti frá 40 þúsund dali eða 5,3 milljónir íslenskra króna.

Keppendur í þriðja sæti frá 30 þúsund dali (3,9 milljónir), fjórða sætið fær tuttugu þúsund (2,6 milljónir) og fimmta sætið fær fimmtán þúsund dali (1,9 milljónir). Alls frá tíu efstu keppendurnir verðlaunafé.

Rogue Invitational CrossFit mótið hefur verið árlegur viðburður undanfarin ár en vegna kórónuveirunnar fer það fram með allt öðrum hætti en áður. Nú var ekki hægt að halda mótið á einum stað í Bandaríkjunum.

Rogue Invitational mótið er því að þessu sinni netmót, það er að það fer allt í gegnum netið en fer ekki fram á einum keppnisstað.

Sara Sigmundsdóttir og Björgvin Karl Guðmundsson eru bæði búsett á Íslandi, Katrín Tanja Davíðsdóttir er í Bandaríkjunum og Þuríður Erla Helgadóttir er í Sviss. Hver keppandi fékk að velja hvar í heiminum hann gerir sínar æfingar á mótinu.

Forráðamenn mótsins ætla samt að passa upp á það að áhorfendur fái Rogue Invitational mótið samt beint í æð.

Keppnin verður því í beinni útsendingu á netinu en sýnt verður frá keppendum alls staðar að í heiminum þar sem þeir munu gera æfingar sínar. Skipt verður á milli þeirra og áhorfendur fá þá tilfinningu að þeir séu að fylgjast með keppni eins og hún væri á sama stað.

Það verður því ekkert tekið upp með íþróttafólkinu áður heldur eru keppendur að gera æfingarnar á sama tíma en bara á sínum stað út um allan heim.

Sara Sigmundsdóttir hefur átt frábært tímabil til þessa og er að sjálfsögðu áberandi á auglýsingum fyrir mótið eins og sést hér fyrir neðan þar sem mótshaldarar tilkynna það að það séu tíu dagar í að Rogue Invitational mótið hefjist.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.