Viðskipti innlent

Bein útsending: Úrslitin ráðast í Hack The Crisis

Stefán Ó. Jónsson skrifar
Um er að ræða „stærsta stafræna hakkaþon“ sem haldið hefur verið á Íslandi.
Um er að ræða „stærsta stafræna hakkaþon“ sem haldið hefur verið á Íslandi. hack the crisis

Nýsköpunarkeppninni Hack the Crisis Iceland lýkur á hádegi í dag. Beina útsendingu frá verðlaunaafhendingunni má sjá hér að neðan. Að sögn aðstandenda er um að ræða stærsta starfræna „hakkaþon“ sem haldið hefur verið hér á landi en næstum 200 tóku þátt í mótinu.



Hakkaþonið hófst 22. maí og stóð yfir alla helgina í formi beinna vefútsendinga og fjarfunda. Alls bárust yfir 64 lausnir, sem gera samtals 128 lausnir, því teymin máttu skila lausninni í tvo flokka. Skipuleggjendur segja að í ljósi áhugans hafi þurft að framlengja dómarastörf um einn dag til að velja tólf bestu verkefnin til kynningar í fimm flokkum.

Flokkarnir eru:

  • Nýskapandi lausnir í heilbrigðisþjónustu
  • Nýskapandi lausnir í félags- og velferðarmálum
  • Nýskapandi lausnir í menntamálum
  • Nýskapandi lausnir í atvinnumálum
  • Opinn flokkur

Þau teymi sem sigra í hverjum flokki fá 500.000 kr. í verðlaunafé, Design thinking hraðal og aðstöðu á frumkvöðlasetri þar sem sérfræðingar Nýsköpunarmiðstöðvar Íslands og Reykjavíkurborgar annast fræðslu, stuðning og eftirfylgni.

Keppendur komu hvaðanæva að úr heiminum og voru sum keppnisteymanna samsett af fólki í mismunandi heimsálfum. Þátttakendur utan Íslands voru m.a. frá Englandi, Bandaríkjunum, Kína, Brasilíu, Danmörku, Egyptalandi, Mexíkó og Kólumbíu.

Úrslit verða tilkynnt í dag í beinu streymi frá Stúdíó Sýrlandi og hefst verðlaunaafhendingin klukkan 12.00. Þórdís Kolbrún Reykfjörð Gylfadóttir mun vera með opnunarræðu og afhenda verðlaun. Nánari upplýsingar um keppnina má nálgast hér.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ICEAIR
3,53
5
356
BRIM
1,66
9
204.471
EIM
1,45
1
140
SIMINN
1,37
5
16.759
MAREL
0,43
8
219.061

Mesta lækkun dagsins


Félag
Br.%
Fjöldi
Velta*
ARION
-0,45
4
1.629.523
SKEL
-0,36
2
1.970
ORIGO
-0,16
3
1.282
SJOVA
0
2
1.216
KVIKA
0
2
12.681
Velkomin á Vísi. Þessi vefur notar vafrakökur. Sjá nánar.