Nota sérstakan leitarpramma við leitina að skipverjanum

Kristín Ólafsdóttir skrifar 22. maí 2020 11:33

Frá leitinni í Vopnafirði fyrr í vikunni. Jón Helgason

Björgunarsveitir hófu á ný leit að skipverja í Vopnafirði í morgun. Björgunarsveitin Vopni nýtur aðstoðar björgunarsveitarinnar Lífsbjargar úr Snæfellsbæ við leitina. Sérstakur Coastex-leitarprammi Lífsbjargar verður notaður í dag en á prammanum er gluggi til að skanna botn á grunnsævi.

Leitarsvæðið er hið sama og áður frá Tangasporði að Sandvík auk þess sem leitað verður í sandfjörum á svæðinu. Leitað verður á sjó í dag og meðfram strandlengjunni.

Skipverjans hefur verið saknað síðan klukkan 14 á mánudag. Umfangsmikil leit að honum hefur staðið yfir síðan.

Vopnafjörður Björgunarsveitir

Tengdar fréttir

Leit að skipverjanum hætt í dag

Leit að skipverja sem talinn er hafa fallið fyrir borð fiskiskips í Vopnafirði á mánudag er lokið í dag. Þetta staðfestir Hinrik Ingólfsson, formaður björgunarsveitarinnar Vopna, í samtali við Vísi.

21. maí 2020 16:01

Ganga fjörur í leit að sjómanninum

Leit að sjómanninum sem féll útbyrðis af netabát við Vopnafjarðarhöfn hófst aftur klukkan tíu í morgun. Björgunarsveitir munu ganga fjörur á svæðinu í dag.

21. maí 2020 12:18

Nota sérútbúinn drónakafbát við leitina

Leit að skipverjanum sem talið er hafa fallið útbyrðis af fiskiskipi í Vopnafirði í gær stendur enn yfir.

19. maí 2020 11:59

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.