„Róttækt frumvarp“ um neyslurými samþykkt á Alþingi Elín Margrét Böðvarsdóttir skrifar 20. maí 2020 18:20 Frumvarp heilbrigðisráðherra um neyslurými var samþykkt á Alþingi í dag með 42 atkvæðum gegn tveimur. Sex greiddu ekki atkvæði. Með lögunum verður sveitarfélögum heimilt að koma á fót vernduðu umhverfi, svokölluðu neyslurými, þar sem einstaklingar 18 ára eða eldri geta neytt ávana- og fíkniefna í æð undir eftirliti fagfólks. Þeir Ásmundur Friðriksson, þingmaður Sjálfstæðisflokksins, og Birgir Þórarinsson, þingmaður Miðflokksins, greiddu atkvæði gegn frumvarpinu. Aðrir þingmenn Miðflokksins sátu hjá við atkvæðagreiðsluna auk Brynjars Níelssonar, þingmanns Sjálfstæðisflokksins. Aðrir þingmenn sem viðstaddir voru atkvæðagreiðsluna studdu frumvarpið. Með lögunum er gert ráð fyrir að sveitarfélög geti stofnað og rekið neyslurými þar sem fyllsta hreinlætis sé gætt, án þess að þeim einstaklingum sem nýta neyslurýmin til að neyta fíkniefna í æð, verði refsað fyrir að vera með efnin á sér til eigin neyslu. Frumvarpið bjargi mannslífum „Ég vil nota þetta tækifæri hér til þess að fagna sérstaklega því að við séum að gera þetta frumvarp að lögum sem að er fyrsta raunverulega skrefið í áttina að því að sinna hér skaðaminnkun sem er studd af löggjöf,“ sagði Svandís Svavarsdóttir heilbrigðisráðherra er hún gerði grein fyrir atkvæði sínu. „Þetta er skref sem er löngu tímabært að taka, þetta er róttækt skref það er vel undirbyggt, það sýnir kjark löggjafans í þessum efnum. Við erum með þessu móti að bjarga mannslífum. Við erum að sýna fólki virðingu sem er í sérstaklega erfiðri stöðu og er jaðarsettast af öllum íbúum samfélagsins og gríðarlega mikilvægt að við mætum því fólki þar sem það er statt,“ sagði Svandís um leið og hún þakkaði velferðarnefnd fyrir vinnu sína við málið og fyrir þverpólitískan stuðning við frumvarpið. Kalla eftir afglæpavæðingu Brynjar Níelsson kvaddi sér hljóðs í þriðju umræðu málsins þar sem hann lýsti nokkrum efasemdum um málið. „Ég verð þó að viðurkenna að ég er mjög hugsi yfir þessu frumvarpi. Ég hef líka velt því fyrir mér, hefði þetta frumvarp komið frá Sjálfstæðisflokknum, þá hefðu menn spurt sig: „Er þetta nú mikilvægasta málið í dag? Í miðju covid, í miðjum lífróðri?“ sagði Brynjar meðal annars. Sjálfur hafi hann aldrei verið hrifinn af því að beita neytendum fíkniefna eða annarra efna refsingum. Hann sé þeirrar skoðunar að menn eigi að bera ábyrgð á eigin hegðun. Velti hann einnig vöngum yfir því að margir af stuðningsmönnum frumvarpsins hafi lagst gegn öðrum „frelsismálum,“ á borð við að heimila sölu áfengis í netverslunum. „Það er auðvitað eitthvað bogið við það þegar mönnum finnst það sjálfsagt að heimila, og meira að segja að hluta til á kostnað skattgreiðenda, að heimila neyslu á ólöglegum efnum. Við verðum auðvitað að byrja bara á að gera þau lögleg. Það eru mjög miklar mótsagnir í þessu,“ sagði Brynjar. Aðrir þingmenn gripu til andsvara, þeirra á meðal Helgi Hrafn Gunnarsson, þingmaður Pírata. „Það vill nú svo til að það hefur frumvarp verið lagt fram af þingmönnum Pírata og Samfylkingar og háttvirts þingmanns Andrésar Inga Jónssonar, Vinstri grænum, Viðreisn og Flokki fólksins þar sem er farið út í þessa svokölluðu afglæpavæðingu. Þetta frumvarp hefur legið fyrir síðan í október á síðasta ári en háttvirtur þingmaður, miðað við ræðu hans, var ekki meðvitaður um að það frumvarp hafi verið lagt fram,“ sagði Helgi Hrafn. Sjálfstæðisflokknum hafi boðið að vera með en hafi ekki þegið boðið. Alþingi Fíkn Heilbrigðismál Sveitarstjórnarmál Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið María Sigrún látin fara úr Kveik Innlent Ætlar í aðra undirskriftasöfnun Innlent Halla Hrund mælist með mest fylgi allra frambjóðenda Innlent Svona var stemmningin á lokaspretti forsetaefnanna í Hörpu Innlent Svona var Pallborðið með Arnari Þór, Ásdísi Rán og Ástþóri Innlent „Ef ég get flogið þremur gerðum af þyrlum þá get ég tekið ákvörðun fyrir þjóðina“ Innlent Dregur framboðið til baka Innlent „Ísdrottningin myndi bráðna ef hér kæmi kjarnorkusprengja“ Innlent Mikil tíðindi í glænýrri könnun Innlent Viktor stal senunni: Hefði ekki haft tíma til að safna ef hann væri í vinnu Innlent Fleiri fréttir Krefjast skýringa á brotthvarfi Maríu Sigrúnar Veisluhöld forseta séu barns síns tíma Húsráðendum tókst að ráða niðurlögum elds í þakskyggni Landsréttur komi fram við ákæruvaldið eins og lítið barn Mannasættir sem óttist ekki að standa í fæturnar Mótmælendur fengu óvæntan liðstyrk frá Hollywood Ráðherra reiðubúin að vinna með atvinnuveganefnd að breytingum Vill skipa í ríkissjórn eftir eigin höfði Halla Hrund mælist með mest fylgi allra frambjóðenda Mikil tíðindi í glænýrri könnun Ástþór sannfærður um að verða sjöundi forsetinn Refsing fyrir að nauðga stjúpdóttur æskuvinar þyngd Ætlar í aðra undirskriftasöfnun Hjúkrunarfræðingurinn ekki laus allra mála enn Trúnaðarsamtöl við forsætisráðherra lykilatriði Sprakk úr hlátri „Ísdrottningin myndi bráðna ef hér kæmi kjarnorkusprengja“ Með hundruð sjálfboðaliða í liði sínu Samskiptaleysi meðal lögreglumanna olli því að fólk var sektað Verði ekki meðvirk frekar en Ólafur Ragnar Rifjaði upp þegar forsetinn bjargaði landinu Skemmdarvargar á eftir útilistaverkum eftir Einar Jónsson Krafturinn í gosinu gæti aukist verulega haldi kvikusöfnun áfram Þrettánda nafnið bætist við Fimm af tólf skiluðu einungis rafrænum meðmælum Gylfi leiðir samhæfingu vegna Grindavíkur María Sigrún látin fara úr Kveik Viktor stal senunni: Hefði ekki haft tíma til að safna ef hann væri í vinnu Forsetaefni streymdu í Hörpu Svona var Pallborðið með Arnari Þór, Ásdísi Rán og Ástþóri Sjá meira
Frumvarp heilbrigðisráðherra um neyslurými var samþykkt á Alþingi í dag með 42 atkvæðum gegn tveimur. Sex greiddu ekki atkvæði. Með lögunum verður sveitarfélögum heimilt að koma á fót vernduðu umhverfi, svokölluðu neyslurými, þar sem einstaklingar 18 ára eða eldri geta neytt ávana- og fíkniefna í æð undir eftirliti fagfólks. Þeir Ásmundur Friðriksson, þingmaður Sjálfstæðisflokksins, og Birgir Þórarinsson, þingmaður Miðflokksins, greiddu atkvæði gegn frumvarpinu. Aðrir þingmenn Miðflokksins sátu hjá við atkvæðagreiðsluna auk Brynjars Níelssonar, þingmanns Sjálfstæðisflokksins. Aðrir þingmenn sem viðstaddir voru atkvæðagreiðsluna studdu frumvarpið. Með lögunum er gert ráð fyrir að sveitarfélög geti stofnað og rekið neyslurými þar sem fyllsta hreinlætis sé gætt, án þess að þeim einstaklingum sem nýta neyslurýmin til að neyta fíkniefna í æð, verði refsað fyrir að vera með efnin á sér til eigin neyslu. Frumvarpið bjargi mannslífum „Ég vil nota þetta tækifæri hér til þess að fagna sérstaklega því að við séum að gera þetta frumvarp að lögum sem að er fyrsta raunverulega skrefið í áttina að því að sinna hér skaðaminnkun sem er studd af löggjöf,“ sagði Svandís Svavarsdóttir heilbrigðisráðherra er hún gerði grein fyrir atkvæði sínu. „Þetta er skref sem er löngu tímabært að taka, þetta er róttækt skref það er vel undirbyggt, það sýnir kjark löggjafans í þessum efnum. Við erum með þessu móti að bjarga mannslífum. Við erum að sýna fólki virðingu sem er í sérstaklega erfiðri stöðu og er jaðarsettast af öllum íbúum samfélagsins og gríðarlega mikilvægt að við mætum því fólki þar sem það er statt,“ sagði Svandís um leið og hún þakkaði velferðarnefnd fyrir vinnu sína við málið og fyrir þverpólitískan stuðning við frumvarpið. Kalla eftir afglæpavæðingu Brynjar Níelsson kvaddi sér hljóðs í þriðju umræðu málsins þar sem hann lýsti nokkrum efasemdum um málið. „Ég verð þó að viðurkenna að ég er mjög hugsi yfir þessu frumvarpi. Ég hef líka velt því fyrir mér, hefði þetta frumvarp komið frá Sjálfstæðisflokknum, þá hefðu menn spurt sig: „Er þetta nú mikilvægasta málið í dag? Í miðju covid, í miðjum lífróðri?“ sagði Brynjar meðal annars. Sjálfur hafi hann aldrei verið hrifinn af því að beita neytendum fíkniefna eða annarra efna refsingum. Hann sé þeirrar skoðunar að menn eigi að bera ábyrgð á eigin hegðun. Velti hann einnig vöngum yfir því að margir af stuðningsmönnum frumvarpsins hafi lagst gegn öðrum „frelsismálum,“ á borð við að heimila sölu áfengis í netverslunum. „Það er auðvitað eitthvað bogið við það þegar mönnum finnst það sjálfsagt að heimila, og meira að segja að hluta til á kostnað skattgreiðenda, að heimila neyslu á ólöglegum efnum. Við verðum auðvitað að byrja bara á að gera þau lögleg. Það eru mjög miklar mótsagnir í þessu,“ sagði Brynjar. Aðrir þingmenn gripu til andsvara, þeirra á meðal Helgi Hrafn Gunnarsson, þingmaður Pírata. „Það vill nú svo til að það hefur frumvarp verið lagt fram af þingmönnum Pírata og Samfylkingar og háttvirts þingmanns Andrésar Inga Jónssonar, Vinstri grænum, Viðreisn og Flokki fólksins þar sem er farið út í þessa svokölluðu afglæpavæðingu. Þetta frumvarp hefur legið fyrir síðan í október á síðasta ári en háttvirtur þingmaður, miðað við ræðu hans, var ekki meðvitaður um að það frumvarp hafi verið lagt fram,“ sagði Helgi Hrafn. Sjálfstæðisflokknum hafi boðið að vera með en hafi ekki þegið boðið.
Alþingi Fíkn Heilbrigðismál Sveitarstjórnarmál Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið María Sigrún látin fara úr Kveik Innlent Ætlar í aðra undirskriftasöfnun Innlent Halla Hrund mælist með mest fylgi allra frambjóðenda Innlent Svona var stemmningin á lokaspretti forsetaefnanna í Hörpu Innlent Svona var Pallborðið með Arnari Þór, Ásdísi Rán og Ástþóri Innlent „Ef ég get flogið þremur gerðum af þyrlum þá get ég tekið ákvörðun fyrir þjóðina“ Innlent Dregur framboðið til baka Innlent „Ísdrottningin myndi bráðna ef hér kæmi kjarnorkusprengja“ Innlent Mikil tíðindi í glænýrri könnun Innlent Viktor stal senunni: Hefði ekki haft tíma til að safna ef hann væri í vinnu Innlent Fleiri fréttir Krefjast skýringa á brotthvarfi Maríu Sigrúnar Veisluhöld forseta séu barns síns tíma Húsráðendum tókst að ráða niðurlögum elds í þakskyggni Landsréttur komi fram við ákæruvaldið eins og lítið barn Mannasættir sem óttist ekki að standa í fæturnar Mótmælendur fengu óvæntan liðstyrk frá Hollywood Ráðherra reiðubúin að vinna með atvinnuveganefnd að breytingum Vill skipa í ríkissjórn eftir eigin höfði Halla Hrund mælist með mest fylgi allra frambjóðenda Mikil tíðindi í glænýrri könnun Ástþór sannfærður um að verða sjöundi forsetinn Refsing fyrir að nauðga stjúpdóttur æskuvinar þyngd Ætlar í aðra undirskriftasöfnun Hjúkrunarfræðingurinn ekki laus allra mála enn Trúnaðarsamtöl við forsætisráðherra lykilatriði Sprakk úr hlátri „Ísdrottningin myndi bráðna ef hér kæmi kjarnorkusprengja“ Með hundruð sjálfboðaliða í liði sínu Samskiptaleysi meðal lögreglumanna olli því að fólk var sektað Verði ekki meðvirk frekar en Ólafur Ragnar Rifjaði upp þegar forsetinn bjargaði landinu Skemmdarvargar á eftir útilistaverkum eftir Einar Jónsson Krafturinn í gosinu gæti aukist verulega haldi kvikusöfnun áfram Þrettánda nafnið bætist við Fimm af tólf skiluðu einungis rafrænum meðmælum Gylfi leiðir samhæfingu vegna Grindavíkur María Sigrún látin fara úr Kveik Viktor stal senunni: Hefði ekki haft tíma til að safna ef hann væri í vinnu Forsetaefni streymdu í Hörpu Svona var Pallborðið með Arnari Þór, Ásdísi Rán og Ástþóri Sjá meira