Ísland „fullkominn áfangastaður“ fyrir flóttann undan Covid-19 Kristín Ólafsdóttir skrifar 16. maí 2020 11:37 Ferðamenn taka myndir í Vestri-Fellsfjöru sumarið 2019, þegar ný kórónuveira hafði ekki látið á sér kræla. Vísir/Vilhelm Ísland er „fullkominn áfangastaður“ til að komast í skjól undan kórónuveirunni, að mati pistlahöfundar bandarísku Bloomberg-fréttastofunnar, nú þegar opnun landamæra hefur víða verið boðuð á næstu vikum og mánuðum. Hann fer yfir góðan árangur íslenskra heilbrigðisyfirvalda í baráttunni við veiruna og segir að önnur lönd mættu taka sér Ísland til fyrirmyndar í þeim efnum. „Ísland er einn áfangastaður sem nefna má sérstaklega, sem gæti orðið að fullkomnum áfangastað til að komast undan Covid-19. Þessi agnarsmáa eyjaþjóð, hverrar fólksfjöldi telur 360 þúsund, hefur löngum verið þekkt fyrir stórbrotið landslag, norðurljós, hraunhella og bakgrunn sjónvarpsþátta á borð við Game of Thrones,“ skrifar Lionel Laurent, pistlahöfundur Bloomberg og fyrrverandi blaðamaður hjá Reuters-fréttaveitunni og tímaritinu Forbes, í grein sem birtist á vef Bloomberg í dag. Laurent bendir á að undanfarna mánuði hafi Íslandsumfjöllun á alþjóðlegum vettvangi þó að mestu snúist um viðbrögð landsins við faraldri kórónuveirunnar. Heilbrigðisyfirvöld hafi hlotið mikið lof fyrir að hafa náð að „halda faraldrinum í skefjum án þess að koma á óreiðukenndum og harðneskjulegum lokunum.“ „Frá upphafi faraldursins skar Ísland sig úr hópi flestra Evrópuríkja með því að hafa tilbúna fyrirbyggjandi áætlun og fylgja henni,“ skrifar Laurent. Hann fer þannig yfir víðtækar skimanir heilbrigðisyfirvalda og Íslenskrar erfðagreiningar fyrir veirunni sem hófust strax í febrúar. „Með því að beita sóttkví og smitrakningu sneiddi landið hjá öfgum á báða bóga, þ.e. algjöru útgöngubanni eða einfaldlega að sleppa veirunni lausri (í von um að ná hjarðónæmi). Niðurstaðan er þjóð þar sem aðeins hafa verið staðfest 1802 tilfelli og tíu dauðsföll,“ skrifar Laurent. Sanngjörn skipti Þá bendir hann á fyrirhugaða opnun landsins 15. júní, þar sem ferðalöngum mun standa til boða að gangast undir veirupróf í stað þess að fara í tveggja vikna sóttkví – líkt og stjórnvöld tilkynntu um nú fyrr í vikunni. Laurent leiðir að því líkum að með þessu verði ferðalangar hvattir til að hlaða niður smitrakningarappinu Rakning C-19, sem vakið hefur athygli utan landsteinanna – en virðist þó eftir allt saman ekki hafa valdið neinum straumhvörfum í smitrakningu. „En það virðist sanngjarnt, í ljósi öflugrar persónuverndarlöggjafar í landinu. Í skiptum fyrir þessi tiltölulega léttvægu skilyrði fá gestir að fara um landið, laust við mannmergð, harðar ferðatakmarkanir og andlitsgrímur. Það eru góð skipti,“ skrifar Laurent. „Á meðan önnur lönd eiga í erfiðleikum með að stíga upp úr útgöngubanni, og vilja um leið efla ferðamannaiðnaðin, er tilefni til að fylgjast með Íslandi. Ef lítil eyja hefur burði til að skima, rekja og einangra tilfelli kórónuveiru, og koma ferðamennsku af stað á nokkrum mánuðum, þá er hægt að gera það annars staðar.“ Fyrirhuguð opnun landamæra Íslands vakti strax athygli langt út fyrir landsteinana, þó svo að smáatriðin hafi í mörgum tilfellum skolast til. Fjöldi erlendra miðla hefur til að mynda sagt að kórónuveiruprófin sem munu standa ferðamönnum til boða frá 15. júní verði greidd upp í topp af íslenska ríkinu. Katrín Jakobsdóttir forsætisráðherra sagði í samtali við fréttastofu í gær að það yrði þannig allavega til að byrja með. „Eitt af því sem hefur verið rætt er að hún verði gjaldfrjás til að byrja með. Á meðan við erum að afla reynslunnar af því hvernig fyrirkomulagið virkar. En síðan þarf að taka ákvörðun um hvernig framhaldið verður til lengri tíma.“ Faraldur kórónuveiru (COVID-19) Ferðamennska á Íslandi Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Íransforseti fórst í þyrluslysinu Erlent Sat saklaus í unglingafangelsi í tvö ár Innlent Leitin enn ekki borið árangur Erlent Tveir látnir og fimm saknað eftir slys í Dóná Erlent Diddy biðst afsökunar á „ófyrirgefanlegri hegðun“ Erlent Frambjóðendur geti nýtt sér skoðanakannanir Innlent Forsetavaktin 2024: Hver verður sjöundi forseti lýðveldisins? Innlent Varasamt að ferðast á sumardekkjum í kvöld Innlent Áfall þegar samskipti Katrínar og Kára voru birt Innlent Stuðningur Katrínar við sóttvarnarlækni sjálfsagður Innlent Fleiri fréttir Sat saklaus í unglingafangelsi í tvö ár Frambjóðendur geti nýtt sér skoðanakannanir Glæsilegt fuglasafn í veiðihúsinu við Hítará Varasamt að ferðast á sumardekkjum í kvöld Óttast um afdrif Íransforseta og ferðaveðrið í beinni Stuðningur Katrínar við sóttvarnarlækni sjálfsagður „Fólk er bara að bíða“ Tveir prestar og tveir djáknar vígðir í Skálholti Lægð yfir landinu og snjókoma fyrir norðan Áfall þegar samskipti Katrínar og Kára voru birt Aukin skjálftavirkni og erjur um Erfðagreiningu Örlítil aukning í skjálftavirkni undir Svartsengi Forsetakosningar, mansal og samningar Reykjavíkur við olíufélögin Segir Helgu fara með rangt mál Þekkir dæmi um endalaus uppköst og garnalömun vegna lyfjanna Konurnar hafi gert allt til að setja ekki svartan blett á starfsemina Með vopn og fíkniefni í útistöðum við dyravörð Horfa á bíómyndir og senda tölvupósta á meðan þeir keyra 40 tungumál eru töluð í leik- og grunnskólum Árborgar Segir alvarlegt hvernig Katrín tjáði sig um Persónuvernd Þungar áhyggjur af þyngdarstjórnunarlyfjum Bergvin dæmdur fyrir að áreita þrjár konur Slasaður eftir hestaslys í Ölfusi Nauðsynlegt að fresta atkvæðagreiðslu um umdeilda verksmiðju Ekki megrunarlyf heldur lyf við offitu Segja grafalvarlegt mál að fresta atkvæðagreiðslu „Það er miður að það falli til kostnaður vegna þessa“ Átök í Ölfusi og offitulyf Ákærður fyrir að pissa daginn eftir Fiskidaginn mikla Gular viðvaranir á Suðurlandi, Suðausturlandi og Faxaflóa á morgun Sjá meira
Ísland er „fullkominn áfangastaður“ til að komast í skjól undan kórónuveirunni, að mati pistlahöfundar bandarísku Bloomberg-fréttastofunnar, nú þegar opnun landamæra hefur víða verið boðuð á næstu vikum og mánuðum. Hann fer yfir góðan árangur íslenskra heilbrigðisyfirvalda í baráttunni við veiruna og segir að önnur lönd mættu taka sér Ísland til fyrirmyndar í þeim efnum. „Ísland er einn áfangastaður sem nefna má sérstaklega, sem gæti orðið að fullkomnum áfangastað til að komast undan Covid-19. Þessi agnarsmáa eyjaþjóð, hverrar fólksfjöldi telur 360 þúsund, hefur löngum verið þekkt fyrir stórbrotið landslag, norðurljós, hraunhella og bakgrunn sjónvarpsþátta á borð við Game of Thrones,“ skrifar Lionel Laurent, pistlahöfundur Bloomberg og fyrrverandi blaðamaður hjá Reuters-fréttaveitunni og tímaritinu Forbes, í grein sem birtist á vef Bloomberg í dag. Laurent bendir á að undanfarna mánuði hafi Íslandsumfjöllun á alþjóðlegum vettvangi þó að mestu snúist um viðbrögð landsins við faraldri kórónuveirunnar. Heilbrigðisyfirvöld hafi hlotið mikið lof fyrir að hafa náð að „halda faraldrinum í skefjum án þess að koma á óreiðukenndum og harðneskjulegum lokunum.“ „Frá upphafi faraldursins skar Ísland sig úr hópi flestra Evrópuríkja með því að hafa tilbúna fyrirbyggjandi áætlun og fylgja henni,“ skrifar Laurent. Hann fer þannig yfir víðtækar skimanir heilbrigðisyfirvalda og Íslenskrar erfðagreiningar fyrir veirunni sem hófust strax í febrúar. „Með því að beita sóttkví og smitrakningu sneiddi landið hjá öfgum á báða bóga, þ.e. algjöru útgöngubanni eða einfaldlega að sleppa veirunni lausri (í von um að ná hjarðónæmi). Niðurstaðan er þjóð þar sem aðeins hafa verið staðfest 1802 tilfelli og tíu dauðsföll,“ skrifar Laurent. Sanngjörn skipti Þá bendir hann á fyrirhugaða opnun landsins 15. júní, þar sem ferðalöngum mun standa til boða að gangast undir veirupróf í stað þess að fara í tveggja vikna sóttkví – líkt og stjórnvöld tilkynntu um nú fyrr í vikunni. Laurent leiðir að því líkum að með þessu verði ferðalangar hvattir til að hlaða niður smitrakningarappinu Rakning C-19, sem vakið hefur athygli utan landsteinanna – en virðist þó eftir allt saman ekki hafa valdið neinum straumhvörfum í smitrakningu. „En það virðist sanngjarnt, í ljósi öflugrar persónuverndarlöggjafar í landinu. Í skiptum fyrir þessi tiltölulega léttvægu skilyrði fá gestir að fara um landið, laust við mannmergð, harðar ferðatakmarkanir og andlitsgrímur. Það eru góð skipti,“ skrifar Laurent. „Á meðan önnur lönd eiga í erfiðleikum með að stíga upp úr útgöngubanni, og vilja um leið efla ferðamannaiðnaðin, er tilefni til að fylgjast með Íslandi. Ef lítil eyja hefur burði til að skima, rekja og einangra tilfelli kórónuveiru, og koma ferðamennsku af stað á nokkrum mánuðum, þá er hægt að gera það annars staðar.“ Fyrirhuguð opnun landamæra Íslands vakti strax athygli langt út fyrir landsteinana, þó svo að smáatriðin hafi í mörgum tilfellum skolast til. Fjöldi erlendra miðla hefur til að mynda sagt að kórónuveiruprófin sem munu standa ferðamönnum til boða frá 15. júní verði greidd upp í topp af íslenska ríkinu. Katrín Jakobsdóttir forsætisráðherra sagði í samtali við fréttastofu í gær að það yrði þannig allavega til að byrja með. „Eitt af því sem hefur verið rætt er að hún verði gjaldfrjás til að byrja með. Á meðan við erum að afla reynslunnar af því hvernig fyrirkomulagið virkar. En síðan þarf að taka ákvörðun um hvernig framhaldið verður til lengri tíma.“
Faraldur kórónuveiru (COVID-19) Ferðamennska á Íslandi Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Íransforseti fórst í þyrluslysinu Erlent Sat saklaus í unglingafangelsi í tvö ár Innlent Leitin enn ekki borið árangur Erlent Tveir látnir og fimm saknað eftir slys í Dóná Erlent Diddy biðst afsökunar á „ófyrirgefanlegri hegðun“ Erlent Frambjóðendur geti nýtt sér skoðanakannanir Innlent Forsetavaktin 2024: Hver verður sjöundi forseti lýðveldisins? Innlent Varasamt að ferðast á sumardekkjum í kvöld Innlent Áfall þegar samskipti Katrínar og Kára voru birt Innlent Stuðningur Katrínar við sóttvarnarlækni sjálfsagður Innlent Fleiri fréttir Sat saklaus í unglingafangelsi í tvö ár Frambjóðendur geti nýtt sér skoðanakannanir Glæsilegt fuglasafn í veiðihúsinu við Hítará Varasamt að ferðast á sumardekkjum í kvöld Óttast um afdrif Íransforseta og ferðaveðrið í beinni Stuðningur Katrínar við sóttvarnarlækni sjálfsagður „Fólk er bara að bíða“ Tveir prestar og tveir djáknar vígðir í Skálholti Lægð yfir landinu og snjókoma fyrir norðan Áfall þegar samskipti Katrínar og Kára voru birt Aukin skjálftavirkni og erjur um Erfðagreiningu Örlítil aukning í skjálftavirkni undir Svartsengi Forsetakosningar, mansal og samningar Reykjavíkur við olíufélögin Segir Helgu fara með rangt mál Þekkir dæmi um endalaus uppköst og garnalömun vegna lyfjanna Konurnar hafi gert allt til að setja ekki svartan blett á starfsemina Með vopn og fíkniefni í útistöðum við dyravörð Horfa á bíómyndir og senda tölvupósta á meðan þeir keyra 40 tungumál eru töluð í leik- og grunnskólum Árborgar Segir alvarlegt hvernig Katrín tjáði sig um Persónuvernd Þungar áhyggjur af þyngdarstjórnunarlyfjum Bergvin dæmdur fyrir að áreita þrjár konur Slasaður eftir hestaslys í Ölfusi Nauðsynlegt að fresta atkvæðagreiðslu um umdeilda verksmiðju Ekki megrunarlyf heldur lyf við offitu Segja grafalvarlegt mál að fresta atkvæðagreiðslu „Það er miður að það falli til kostnaður vegna þessa“ Átök í Ölfusi og offitulyf Ákærður fyrir að pissa daginn eftir Fiskidaginn mikla Gular viðvaranir á Suðurlandi, Suðausturlandi og Faxaflóa á morgun Sjá meira