Sport

Anníe Mist æfir tvisvar sinnum á dag á meðgöngunni: Sú litla alltaf númer eitt

Óskar Ófeigur Jónsson skrifar
Annie Mist Þórisdóttir sýnir hér bumbuna sína á Instagram síðu sinni.
Annie Mist Þórisdóttir sýnir hér bumbuna sína á Instagram síðu sinni. Mynd/Instagram

Crossfit stjarnan Anníe Mist Þórisdóttir segir það skrítið að vera farin að deila líkamanum sínum með öðrum. Hún er nú komin 23 vikur á leið með sitt fyrsta barn en heldur áfram að lyfta og æfa.

Anníe Mist hefur æft af fullum krafti alla sína ævi og heldur sér í mögnuðu formi á meðgöngunni.

„Ég þekki líkamann minn ótrúlega vel og hef verið að vinna í honum alla ævi í rauninni. Nú er maður allt í einu að deila honum með einhverjum öðrum,“ sagði Anníe Mist Þórisdóttir í samtali við Svövu Kristínu Grétarsdóttur.

„Ég er ennþá að æfa tvisvar sinnum á dag en að sjálfsögðu er það ekki það sama og ég var að gera áður. Ég er ennþá að lyfta en ég er ekkert að reyna að „maxa“ eða lyfta nálægt því sem ég get mest,“ sagði Anníe Mist.

„Ég er bara að reyna að viðhalda forminu eins og ég get og halda mér sterkri í gegnum þessar æfingar. Ég er ekki að reyna að bæta mig í neinu,“ sagði Anníe Mist.

Íþróttakonur fá oft gagnrýni á sig fyrir að æfa mikið á meðgöngu. Anníe Mist segir litlu stelpuna sína vera númer eitt og að hún myndi aldrei æfa svona ef hún héldi að það myndi skaða barnið á einhvern hátt.

„Ég þekki margar stelpur sem eru á toppnum í íþróttinni sinni eftir að hafa gengið í gegnum meðgöngu. Það er betra ef að þær halda sér áfram „aktívum“, haldi áfram að lyfta og haldi áfram að hreyfa sig,“ sagði Anníe Mist.

View this post on Instagram

Haters will say it s staged... and they would be right. I only did my last interval outside Remember that social media is people showing their highlights - often polished to get more likes and traction - not everyday life. Don t let that discourage you from living YOUR best life every day, creating your own highlights and it s your choice if you want to share that with the world - real or not. Sometimes I get very caught up in this and it makes me questions choices and decisions I ve made, but in these cases it s very important to try to be objective and make reason of why you made those choices in the first place. Often you ll find that you d make the same decision if you d encounter the situation again today. Always do YOU. And I promise to Always do ME

A post shared by Annie Thorisdottir (@anniethorisdottir) on

„Nú átta ég mig á því sem allir voru að tala um að þú finnir þetta sjálf og þú verður að kunna að hlusta aðeins á líkamann þinn. Ég ætlaði mér að gera upphífingar í gegnum alla meðgönguna mína og verða bara sterkari og sterkari af því að ég yrði þyngri og þyngri,“ sagði Anníe Mist en hún varð að hætta því.

„Því miður gengur ekki allt upp eftir plönum og þetta er ekki bara líkaminn minn lengur. Einhvern veginn þá breytist eitthvað inn í manni. Að sjálfsögðu skiptir litla stelpan mín mestu máli og ég myndi aldrei vilja geta eitthvað sem myndi valda skaða fyrir hana,“ sagði Anníe Mist en það má sjá allt viðtalið við hana hér fyrir neðan.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.