Er möguleiki að steypa fleiri götur á Íslandi?

„Við erum með bergtegundir sem við höfum aðgang að, það er svo lítil hersla að þau efni duga mun verr en þau efni sem eru í nágrannalöndunum okkar. En klárlega er steypta slitlagið mjög gott. Menn eru að leggja saman og skoða hvað það kosti í upphafi. Þá er aðallega verið að hugsa um hvernig er hægt að setja slitlagið á, á sem ódýrastan hátt," segir Runólfur Ólafsson hjá FÍB.

Í þættinum Reykjavík Síðdegis á Bylgjunni í dag ræddi Runólfur um möguleikann að steypa fleiri götur hér á landi.

„Menn fóru á sínum tíma í tilraunir með að steypa götur upp á Akranesi og svo munum við eftir gamla Keflavíkurveginum. Það hefur verið malbikað ofan á hann. Steypuslitlagið stenst miklu betur en þetta malbik og malarlag sem við þekkjum," sagði Runólfur í þættinum í dag.

Hægt er að hlusta á viðtalið við Runólf í hljóðbrotinu hér að ofan.