Leið eins og glæpamanni við komuna til Bandaríkjanna

Hjúkrunarfræðingur Kaci Hickox, gagnrýnir þá meðferð sem hún fékk þegar hún kom til Bandaríkjanna frá Vestur Afríku. Þar hjúkraði hún ebólusmituðum sjúklingum.

Hickox var sett í sóttkví á sjúkrahúsi New Jersey. Ríkisstjórar þar og New York hafa fyrirskipað að allir þeir sem komi til ríkjanna frá Vestur-Afríku, og hafi komist í snertingu við ebólusmitaða, skuli fara strax í einangrun í 21 dag.

Hickox lýsir upplifun sinni af því að koma til Bandaríkjanna í grein á Dallas News. Þar segir hún meðal annars að henni hafi liðið eins og glæpamanni við komuna til landsins auk þess sem hún upplifði mikið skipulagsleysi og ótta.

Í ljós hefur komið að hún er ekki smituð af ebólu en engu að síður verður Hickox í sóttkví næstu þrjár vikur.