Rúta skemmdist við Herjólf

Rúta stórskemmdist í Landeyjahöfn á þriðjudag þegar henni var ekið upp undir landgöngubrú Herjólfs. Ekki er talið að brúin hafi skemmst.

Kælibúnaður á þaki rútunnar skemmdist mikið auk þess sem þak hennar flettist að hluta til af. Bílstjóri rútunnar var einn í henni og varð ekki meint af. Venjulega er rútum ekki ekið þessa leið, enda eru hæðartakmarkanir þar. Þó mun það hafa komið fyrir að húsbílar hafi nuddast við brúna, að sögn Gunnlaugs Grettissonar, rekstrarstjóra Herjólfs. Frá þessu er greint í Eyjafréttum. - þeb