Lögregla girðir af svæði við heimili Hagen-hjónanna

Atli Ísleifsson skrifar 5. maí 2020 07:44

Lögregla í Noregi handtók Tom Hagen á leið sinni til vinnu þann 28. apríl síðastliðinn. EPA

Lögreglan í Noregi hefur girt af svæði í kringum heimili Tom Hagen í Lørenskog í suðausturhluta landsins.

Af myndum af dæma sem teknar voru í morgun og birtar í norskum fjölmiðlum, má sjá hvítt tjald og fjölda lögreglumanna að störfum í kringum húsið.

Í frétt VG segir að meðal annars sé verið að rannsaka ræsisbrunn í innkeyrslunni á lóðinni.

Auðjöfurinn Tom Hagen situr nú í gæsluvarðhaldi vegna gruns um morð eða aðild að morði á eiginkonu sinni, Anne-Elisabeth Hagen. Ekkert hefur spurst til Anne-Elisabeth frá 31. október 2018.

Málið var fyrst rannsakað sem mannrán, en Tom Hagen er nú talinn hafa sviðsett ránið til að villa um fyrir lögreglunni.

Noregur Anne-Elisabeth Hagen

Tengdar fréttir

Tom Hagen áfrýjar gæsluvarðhaldsúrskurðinum

Þetta staðfestir Svein Holden verjandi Hagen í samtali við norska miðilinn Dagbladet.

30. apríl 2020 10:21

Konan sem hvarf og hægláti auðjöfurinn sem saknaði hennar

„Mannránið“ sem skók Noreg, hvarf Anne-Elisabeth Hagen, náði óvæntum vendipunkti í gær. Hér verður reynt að varpa ljósi á feril þessa merkilega máls og vendingar átján mánaða lögreglurannsóknar.

29. apríl 2020 08:45

Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.