Landsréttur hefur snúið við úrskurði um að leysa ætti karlmann um tvítugt, sem grunaður er um alvarlega líkamsárás, úr gæsluvarðhaldi. Maðurinn hefur verið handtekinn og færður aftur í gæsluvarðhald til 22. nóvember.
Greint var frá málinu þann 21. október og þá sagt frá því að maðurin hafðui verið úrskurðaður í gæsluvarðhald til næstkomandi föstudags, 25. október, grunaður um mjög grófa líkamsárás gagnvart kærustu sinni í miðbæ Reykjavíkur.
Héraðsdómur Reykjavíkur hafnaði hins vegar kröfu Lögreglunnar á höfuðborgarsvæðinu um áframhaldandi gæsluvarðhald síðastliðinn föstudag. Var honum því sleppt úr haldi.
Í tilkynningu frá lögreglunni í morgun segir hins vegar að Landsréttur hafi snúið úrskurði héraðsdóms við og úrskurðað manninn í gæsluvarðhald til 22. nóvembers, á grundvelli rannsóknarhagsmuna. Hefur maðurinn því verið handtekinn og færður í gæsluvarðhald.
Aftur í varðhald eftir að hafa verið látinn laus
Tengdar fréttir
Karlmaður úrskurðaður í gæsluvarðhald vegna tilraunar til manndráps á unnustu sinni
Karlmaður á fertugsaldri var úrskurðaður í gæsluvarðhald í dag vegna tilraunar til manndráps á unnustu sinni í gær. Er hann grunaður um mjög grófa líkamsárás og kynferðisofbeldi.
Ungur maður grunaður um tilraun til manndráps laus úr haldi
Verjandi mannsins segir engan grundvöll til gæsluvarðhalds fyrir hendi.
