Trump hæðist að yfirmönnum eigin leyniþjónustu Samúel Karl Ólason skrifar 30. janúar 2019 14:51 Donald Trump, forseti Bandaríkjanna. AP/Jacquelyn Martin Donald Trump, forseti Bandaríkjanna, hæddist nú fyrir skömmu að yfirmönnum leyniþjónusta og öryggisstofnanna Bandaríkjanna. Hann sagði þau barnaleg og réttast væri að þau færu aftur í skóla. Þetta sagði forsetinn á Twitter eftir að Dan Coats, yfirmaður leyniþjónustustofnanna Bandaríkjanna, Gina Haspel, yfirmaður CIA og Christopher Wray, yfirmaður Alríkislögreglu Bandaríkjanna (FBI), og aðrir mættu á fundu njósnanefndar öldungadeildar Bandaríkjaþings í gær og ræddu ýmsar ógnanir gagnvart Bandaríkjunum. Lesa má skýrslu um ógnanir sem steðja að Bandaríkjunum, samkvæmt leyniþjónustum ríkisins, hér.Í stuttu máli sagt sögðu þau að það væru mistök að kalla hermenn Bandaríkjanna heim frá Afganistan og Sýrlandi, Bandaríkjunum stafaði enn ógn af Íslamska ríkinu og ólíklegt sé að Kim Jong-un muni láta kjarnorkuvopn sín af hendi, svo eitthvað sé nefnt. Þá vöruðu þau við áframhaldandi afskiptum Rússa af kosningum í Bandaríkjunum.Þar að auki sögðu þau ekkert um byggingu múrs eða girðingar á landamærum Bandaríkjanna og Mexíkó, sem Trump segir að sé nauðsynlegt til að tryggja öryggi Bandaríkjanna. Trump er ekki sammála og segir að yfirmenn þessir séu barnalegir gagnvart Íran og þeirri ógn sem stafi af ríkinu. Hann hefur gefið skipun um að kalla hermenn heim frá Sýrlandi og viðræður standa nú yfir við Talibana um brottför Bandaríkjanna frá Afganistan. Áðurnefndir yfirmenn sögðu sömuleiðis að ríkisstjórn Íran væri ekki að reyna að þróa kjarnorkuvopn að svo stöddu og að Íranir væru að fylgja kjarnorkusamkomulaginu sem Barack Obama, forveri Trump, gerði við Íran og önnur ríki. Trump dró Bandaríkin úr samkomulaginu. Forsetinn sagði „leyniþjónustufólkið“ virðast mjög svo viljalaus og barnaleg gagnvart ógninni af Íran og þau hefðu rangt fyrir sér. Hann sagði Írani hafa verið að valda vandræðum víða þegar hann varð forseti en þeir dagar séu liðnir. Þó stafi enn ógn af þeim. Það eina sem héldi aftur af þeim væri efnahagshrun og fólk ætti að vara sig á Íran. Þá sagði hann að ef til vill ætti þetta fólk að fara aftur í skóla.The Intelligence people seem to be extremely passive and naive when it comes to the dangers of Iran. They are wrong! When I became President Iran was making trouble all over the Middle East, and beyond. Since ending the terrible Iran Nuclear Deal, they are MUCH different, but.... — Donald J. Trump (@realDonaldTrump) January 30, 2019....a source of potential danger and conflict. They are testing Rockets (last week) and more, and are coming very close to the edge. There economy is now crashing, which is the only thing holding them back. Be careful of Iran. Perhaps Intelligence should go back to school! — Donald J. Trump (@realDonaldTrump) January 30, 2019 Í röð tísta um hádegið hélt Trump því fram að mikill árangur hefði náðst gegn Íslamska ríkinu í forsetatíð hans og í afvopnun Norður-Kóreu. Trump sagði Kalífadæmi ISIS nálægt því að heyra sögunni til en enginn hefur mótmælt því. Samtökin hafa gengið í gegnum stakkaskipti og hafa komið sér aftur fyrir í skuggunum, ef svo má að orði komast. Samtökin eru að snúa sér aftur að hefðbundnum skæruhernaði og hryðjuverkum í stað þess að reyna að halda yfirráðasvæði. Í sumar áætluðu Bandaríkin og Sameinuðu þjóðirnar að ISIS-liðar væru enn allt að 30 þúsund í Írak og Sýrlandi. Coats, Haspel og Wray vöruðu við ISIS í gær og Coats sagði að þrátt fyrir að hryðjuverkasamtökin hefðu tapað nánast öllu yfirráðasvæði sínu, byggju þau enn yfir þúsundum vígamanna í Írak og Sýrlandi, fjölmörg undirsamtök, og þúsundir stuðningsmanna um heim allan. Þau myndu halda áfram að gera árásir í þeim ríkjum og mögulega á Bandaríkin og önnur vestræn ríki. Hann sagði einnig að ólíklegt væri að Norður Kórea myndi láta kjarnorkuvopn sín af hendi og þeir væru með markvissum hætti að reyna að komast hjá viðskiptaþvingunum.Trump segir að þegar hann tók við embætti hefði samband Bandaríkjanna og Norður-Kóreu verið sérstaklega slæmt og gefur í skyn í einu tísti að stutt hefði verið í átök. Nú hefði það aldrei verið betra og hann hlakkaði til þess að hitta Kim Jong-un, einræðisherra ríkisins. Tíminn myndi þó leiða í ljós hvernig viðræðurnar færu.When I became President, ISIS was out of control in Syria & running rampant. Since then tremendous progress made, especially over last 5 weeks. Caliphate will soon be destroyed, unthinkable two years ago. Negotiating are proceeding well in Afghanistan after 18 years of fighting.. — Donald J. Trump (@realDonaldTrump) January 30, 2019....Fighting continues but the people of Afghanistan want peace in this never ending war. We will soon see if talks will be successful? North Korea relationship is best it has ever been with U.S. No testing, getting remains, hostages returned. Decent chance of Denuclearization... — Donald J. Trump (@realDonaldTrump) January 30, 2019...Time will tell what will happen with North Korea, but at the end of the previous administration, relationship was horrendous and very bad things were about to happen. Now a whole different story. I look forward to seeing Kim Jong Un shortly. Progress being made-big difference! — Donald J. Trump (@realDonaldTrump) January 30, 2019 Það er óhætt að segja að Trump sé ekki saklaus þegar komi að því að gera samband Bandaríkjanna og Norður-Kóreu stirt. Hann og Kim hafa skipst á uppnefnum og hefur Trump jafnvel hótað því að gereyða Norður-Kóreu.Sjá einnig: Eldflaugamaðurinn mætir þeim elliæraÞá er einnig vert að taka fram að í kjölfar fundar Trump og Kim í Singapúr í fyrra staðhæfði Trump að engin ógn stafaði lengur af Norður-Kóreu og að afvopnun ríkisins myndi hefjast innan skamms. Sá fundur endaði með óljósu samkomulagi sem innihélt fá markmið og engar áætlanir.Repúblikanar að fá nóg? Svo virðist sem að stækkandi hópur þingmanna Repúblikanaflokksins sé ósammála Trump þegar kemur að stefnu Bandaríkjanna varðandi utanríkismál. Mitch McConnell, leiðtogi Repúblikana í öldungadeildinni, lagði í gær fram tillögu um að fordæma „fyrirvaralausan“ brottflutning hermanna frá Afganistan og Sýrlandi.Samkvæmt New York Times kusu rúmlega tveir þriðju þingmanna flokksins í fulltrúadeild Bandaríkjaþings að snúa við ákvörðun ríkisstjórnar Trump að fella niður viðskiptaþvinganir og refsiaðgerðir gegn Oleg V. Deripaska, rússneskum auðjöfri og bandamanni Vladimir Putín, forseta Rússlands.Þá greiddu fleiri þingmenn flokksins atkvæði með frumvarpi sem ætlað er að meina Trump að geta slitið Bandaríkin frá Atlantshafsbandalaginu, eins og hann hefur lagt til við ráðgjafa sína og starfsmenn. Alls greiddu 357 þingmenn atkvæði með frumvarpinu og einungis 22 Repúblikanar gerðu það ekki. Frumvarpið á eftir að fara fyrir öldungadeildina en sambærilegt frumvarp var lagt fyrir þingið þar í síðustu viku. Bandaríkin Donald Trump Írak Íran Norður-Kórea Rússland Sýrland Mest lesið Forsetavaktin: Sjöundi forseti lýðveldisins verður kjörinn Innlent Mætti á kjörstað en fékk þau svör að hún væri búin að kjósa Innlent Jón Gnarr mjög bjartsýnn: „Fyrsti krúnurakaði rauðhærði forsetinn“ Innlent Bein útsending: Kosningasjónvarp Stöðvar 2 Innlent „Galið! Kosningar eru greinilega ekki fyrir öll!“ Innlent Tívolíbomba hefði getað skapað stórhættu Innlent „Unga fólkið er klárlega að velja okkar framboð“ Innlent „Við höfum ekki séð þetta á Íslandi áður“ Innlent Beið í klukkustund eftir að fá að kjósa Innlent Ólík sýn á hvort Ísland eigi að styðja vörn Úkraínumanna Innlent Fleiri fréttir Fjöldi loftárása á orkuver víðsvegar um Úkraínu Friðartillaga Ísraela sem Biden kynnti virðist fá hljómgrunn „Við búum í fasísku ríki“ Segjast hafa skotið á flugmóðurskip eftir loftárásir Þarf að greiða fyrrverandi 137 milljarða í kjölfar framhjáhalds Ólíklegt að Trump fari í fangelsi Rýnt í stöðuna í Úkraínu: Bakhjarlar Úkraínu leyfa árásir í Rússlandi Heimilar notkun vopna frá Bandaríkjunum á rússneska grund Trump sakfelldur fyrir skjalafals í þagnargreiðslumáli Veita katalónskum aðskilnaðarsinnum sakaruppgjöf Stígur ekki til hliðar vegna umdeildra fána Gæsir og steggir að buga bæjaryfirvöld sem banna nekt og typpabúninga Svörtum vísað frá borði þegar kvartað var undan líkamslykt Ísraelsmenn taka yfir landamærin að Egyptalandi Flugvélin féll um 54 metra á fimm sekúndum Kviðdómendur leggjast undir feld í dag Gefa Úkraínumönnum eftirlitsflugvélar Útnefna Biden rafrænt til að koma honum örugglega á kjörseðilinn Fær ekki að bjóða sig fram fyrir Verkamannaflokkinn Þingmeirihluti ANC í hættu í Suður-Afríku Íbúar varaðir við rusl- og skítabelgjum frá Norður-Kóreu Segja árásir og aðgerðir Ísrael enn innan „rauðu línanna“ De Niro kallaði Trump skrímsli fyrir utan dómshúsið „Við höfum ekkert“ Ógiltu neitunarvald forseta til að koma fjölmiðlalögum í gegn Biðst afsökunar á ummælum um „faggaskap“ Yfir fimmtíu stig í hitabylgju í Pakistan Pólverjar víggirða landamærin í austri Forseti Perú kærður fyrir mútuþægni Yfirmaður ísraelsku leyniþjónustunnar sagður hafa hótað saksóknara Alþjóðasakamáladómstólsins Sjá meira
Donald Trump, forseti Bandaríkjanna, hæddist nú fyrir skömmu að yfirmönnum leyniþjónusta og öryggisstofnanna Bandaríkjanna. Hann sagði þau barnaleg og réttast væri að þau færu aftur í skóla. Þetta sagði forsetinn á Twitter eftir að Dan Coats, yfirmaður leyniþjónustustofnanna Bandaríkjanna, Gina Haspel, yfirmaður CIA og Christopher Wray, yfirmaður Alríkislögreglu Bandaríkjanna (FBI), og aðrir mættu á fundu njósnanefndar öldungadeildar Bandaríkjaþings í gær og ræddu ýmsar ógnanir gagnvart Bandaríkjunum. Lesa má skýrslu um ógnanir sem steðja að Bandaríkjunum, samkvæmt leyniþjónustum ríkisins, hér.Í stuttu máli sagt sögðu þau að það væru mistök að kalla hermenn Bandaríkjanna heim frá Afganistan og Sýrlandi, Bandaríkjunum stafaði enn ógn af Íslamska ríkinu og ólíklegt sé að Kim Jong-un muni láta kjarnorkuvopn sín af hendi, svo eitthvað sé nefnt. Þá vöruðu þau við áframhaldandi afskiptum Rússa af kosningum í Bandaríkjunum.Þar að auki sögðu þau ekkert um byggingu múrs eða girðingar á landamærum Bandaríkjanna og Mexíkó, sem Trump segir að sé nauðsynlegt til að tryggja öryggi Bandaríkjanna. Trump er ekki sammála og segir að yfirmenn þessir séu barnalegir gagnvart Íran og þeirri ógn sem stafi af ríkinu. Hann hefur gefið skipun um að kalla hermenn heim frá Sýrlandi og viðræður standa nú yfir við Talibana um brottför Bandaríkjanna frá Afganistan. Áðurnefndir yfirmenn sögðu sömuleiðis að ríkisstjórn Íran væri ekki að reyna að þróa kjarnorkuvopn að svo stöddu og að Íranir væru að fylgja kjarnorkusamkomulaginu sem Barack Obama, forveri Trump, gerði við Íran og önnur ríki. Trump dró Bandaríkin úr samkomulaginu. Forsetinn sagði „leyniþjónustufólkið“ virðast mjög svo viljalaus og barnaleg gagnvart ógninni af Íran og þau hefðu rangt fyrir sér. Hann sagði Írani hafa verið að valda vandræðum víða þegar hann varð forseti en þeir dagar séu liðnir. Þó stafi enn ógn af þeim. Það eina sem héldi aftur af þeim væri efnahagshrun og fólk ætti að vara sig á Íran. Þá sagði hann að ef til vill ætti þetta fólk að fara aftur í skóla.The Intelligence people seem to be extremely passive and naive when it comes to the dangers of Iran. They are wrong! When I became President Iran was making trouble all over the Middle East, and beyond. Since ending the terrible Iran Nuclear Deal, they are MUCH different, but.... — Donald J. Trump (@realDonaldTrump) January 30, 2019....a source of potential danger and conflict. They are testing Rockets (last week) and more, and are coming very close to the edge. There economy is now crashing, which is the only thing holding them back. Be careful of Iran. Perhaps Intelligence should go back to school! — Donald J. Trump (@realDonaldTrump) January 30, 2019 Í röð tísta um hádegið hélt Trump því fram að mikill árangur hefði náðst gegn Íslamska ríkinu í forsetatíð hans og í afvopnun Norður-Kóreu. Trump sagði Kalífadæmi ISIS nálægt því að heyra sögunni til en enginn hefur mótmælt því. Samtökin hafa gengið í gegnum stakkaskipti og hafa komið sér aftur fyrir í skuggunum, ef svo má að orði komast. Samtökin eru að snúa sér aftur að hefðbundnum skæruhernaði og hryðjuverkum í stað þess að reyna að halda yfirráðasvæði. Í sumar áætluðu Bandaríkin og Sameinuðu þjóðirnar að ISIS-liðar væru enn allt að 30 þúsund í Írak og Sýrlandi. Coats, Haspel og Wray vöruðu við ISIS í gær og Coats sagði að þrátt fyrir að hryðjuverkasamtökin hefðu tapað nánast öllu yfirráðasvæði sínu, byggju þau enn yfir þúsundum vígamanna í Írak og Sýrlandi, fjölmörg undirsamtök, og þúsundir stuðningsmanna um heim allan. Þau myndu halda áfram að gera árásir í þeim ríkjum og mögulega á Bandaríkin og önnur vestræn ríki. Hann sagði einnig að ólíklegt væri að Norður Kórea myndi láta kjarnorkuvopn sín af hendi og þeir væru með markvissum hætti að reyna að komast hjá viðskiptaþvingunum.Trump segir að þegar hann tók við embætti hefði samband Bandaríkjanna og Norður-Kóreu verið sérstaklega slæmt og gefur í skyn í einu tísti að stutt hefði verið í átök. Nú hefði það aldrei verið betra og hann hlakkaði til þess að hitta Kim Jong-un, einræðisherra ríkisins. Tíminn myndi þó leiða í ljós hvernig viðræðurnar færu.When I became President, ISIS was out of control in Syria & running rampant. Since then tremendous progress made, especially over last 5 weeks. Caliphate will soon be destroyed, unthinkable two years ago. Negotiating are proceeding well in Afghanistan after 18 years of fighting.. — Donald J. Trump (@realDonaldTrump) January 30, 2019....Fighting continues but the people of Afghanistan want peace in this never ending war. We will soon see if talks will be successful? North Korea relationship is best it has ever been with U.S. No testing, getting remains, hostages returned. Decent chance of Denuclearization... — Donald J. Trump (@realDonaldTrump) January 30, 2019...Time will tell what will happen with North Korea, but at the end of the previous administration, relationship was horrendous and very bad things were about to happen. Now a whole different story. I look forward to seeing Kim Jong Un shortly. Progress being made-big difference! — Donald J. Trump (@realDonaldTrump) January 30, 2019 Það er óhætt að segja að Trump sé ekki saklaus þegar komi að því að gera samband Bandaríkjanna og Norður-Kóreu stirt. Hann og Kim hafa skipst á uppnefnum og hefur Trump jafnvel hótað því að gereyða Norður-Kóreu.Sjá einnig: Eldflaugamaðurinn mætir þeim elliæraÞá er einnig vert að taka fram að í kjölfar fundar Trump og Kim í Singapúr í fyrra staðhæfði Trump að engin ógn stafaði lengur af Norður-Kóreu og að afvopnun ríkisins myndi hefjast innan skamms. Sá fundur endaði með óljósu samkomulagi sem innihélt fá markmið og engar áætlanir.Repúblikanar að fá nóg? Svo virðist sem að stækkandi hópur þingmanna Repúblikanaflokksins sé ósammála Trump þegar kemur að stefnu Bandaríkjanna varðandi utanríkismál. Mitch McConnell, leiðtogi Repúblikana í öldungadeildinni, lagði í gær fram tillögu um að fordæma „fyrirvaralausan“ brottflutning hermanna frá Afganistan og Sýrlandi.Samkvæmt New York Times kusu rúmlega tveir þriðju þingmanna flokksins í fulltrúadeild Bandaríkjaþings að snúa við ákvörðun ríkisstjórnar Trump að fella niður viðskiptaþvinganir og refsiaðgerðir gegn Oleg V. Deripaska, rússneskum auðjöfri og bandamanni Vladimir Putín, forseta Rússlands.Þá greiddu fleiri þingmenn flokksins atkvæði með frumvarpi sem ætlað er að meina Trump að geta slitið Bandaríkin frá Atlantshafsbandalaginu, eins og hann hefur lagt til við ráðgjafa sína og starfsmenn. Alls greiddu 357 þingmenn atkvæði með frumvarpinu og einungis 22 Repúblikanar gerðu það ekki. Frumvarpið á eftir að fara fyrir öldungadeildina en sambærilegt frumvarp var lagt fyrir þingið þar í síðustu viku.
Bandaríkin Donald Trump Írak Íran Norður-Kórea Rússland Sýrland Mest lesið Forsetavaktin: Sjöundi forseti lýðveldisins verður kjörinn Innlent Mætti á kjörstað en fékk þau svör að hún væri búin að kjósa Innlent Jón Gnarr mjög bjartsýnn: „Fyrsti krúnurakaði rauðhærði forsetinn“ Innlent Bein útsending: Kosningasjónvarp Stöðvar 2 Innlent „Galið! Kosningar eru greinilega ekki fyrir öll!“ Innlent Tívolíbomba hefði getað skapað stórhættu Innlent „Unga fólkið er klárlega að velja okkar framboð“ Innlent „Við höfum ekki séð þetta á Íslandi áður“ Innlent Beið í klukkustund eftir að fá að kjósa Innlent Ólík sýn á hvort Ísland eigi að styðja vörn Úkraínumanna Innlent Fleiri fréttir Fjöldi loftárása á orkuver víðsvegar um Úkraínu Friðartillaga Ísraela sem Biden kynnti virðist fá hljómgrunn „Við búum í fasísku ríki“ Segjast hafa skotið á flugmóðurskip eftir loftárásir Þarf að greiða fyrrverandi 137 milljarða í kjölfar framhjáhalds Ólíklegt að Trump fari í fangelsi Rýnt í stöðuna í Úkraínu: Bakhjarlar Úkraínu leyfa árásir í Rússlandi Heimilar notkun vopna frá Bandaríkjunum á rússneska grund Trump sakfelldur fyrir skjalafals í þagnargreiðslumáli Veita katalónskum aðskilnaðarsinnum sakaruppgjöf Stígur ekki til hliðar vegna umdeildra fána Gæsir og steggir að buga bæjaryfirvöld sem banna nekt og typpabúninga Svörtum vísað frá borði þegar kvartað var undan líkamslykt Ísraelsmenn taka yfir landamærin að Egyptalandi Flugvélin féll um 54 metra á fimm sekúndum Kviðdómendur leggjast undir feld í dag Gefa Úkraínumönnum eftirlitsflugvélar Útnefna Biden rafrænt til að koma honum örugglega á kjörseðilinn Fær ekki að bjóða sig fram fyrir Verkamannaflokkinn Þingmeirihluti ANC í hættu í Suður-Afríku Íbúar varaðir við rusl- og skítabelgjum frá Norður-Kóreu Segja árásir og aðgerðir Ísrael enn innan „rauðu línanna“ De Niro kallaði Trump skrímsli fyrir utan dómshúsið „Við höfum ekkert“ Ógiltu neitunarvald forseta til að koma fjölmiðlalögum í gegn Biðst afsökunar á ummælum um „faggaskap“ Yfir fimmtíu stig í hitabylgju í Pakistan Pólverjar víggirða landamærin í austri Forseti Perú kærður fyrir mútuþægni Yfirmaður ísraelsku leyniþjónustunnar sagður hafa hótað saksóknara Alþjóðasakamáladómstólsins Sjá meira
Yfirmaður ísraelsku leyniþjónustunnar sagður hafa hótað saksóknara Alþjóðasakamáladómstólsins