Trommuleikari og köttur með stórleik Steingerður Sonja Þórisdóttir skrifar 19. nóvember 2019 06:00 Júlía, Úlfur Alexander, Ingvi Rafn, Kári og Rúnar neðst í hægra horninu, sem leikur á móti Míu. Katerina Blahutová Hljómsveitin Oyama hefur legið í örlitlum dvala en snýr nú aftur af fullum krafti og gaf út á dögunum myndband við lagið Spare Room, sem verður á væntanlegri stuttskífu sveitarinnar. Hljómsveitin hefur starfað í þeirri mynd sem hún er í núna síðan í byrjun árs 2012 en þá gengur Júlía Hermannsdóttir til liðs við okkur,“ segir Úlfur Alexander Einarsson, gítarleikari og annar söngvari sveitarinnar. Bergur, fyrrverandi bassaleikari Oyama, komst svo að orði að þau spiluðu svokallað sveimrokk, sem væri íslensk þýðing á orðinu „shoegaze“. Það er rólegt, melódískt og draumkennt rokk og vísar nafnið á tónlistarstefnunni til þess að tónlistarfólkið horfði oft á skóna sína frekar en áhorfendur meðan á tónleikum stóð.Gestrisnir Japanir „Við höfum spilað í Bretlandi, Hollandi, Frakklandi, Noregi og víðar. Síðan þegar stóra platan okkar kom út , 2014, þá kom hún líka út í Japan í gegnum Imperial Records. Þá tókum við smá túr þar, sem var mjög skemmtilegt. En við höfum spilað oftast í Bretlandi,“ segir Úlfur. „En aðdáendur okkar eru frekar dreifðir og þjappast ekkert endilega allir saman á einn stað, heldur er þetta bara fólk úti um allan heim sem hefur áhuga á þessari tónlistarstefnu. Það var samt mjög skemmtilegt í Japan eins og Úlfur sagði,“ segir Júlía.Júlía teiknaði myndina sem fylgir laginu Spare Room.„Þar er einhver hefð fyrir því að sé maður að koma langt að, þá koma aðdáendur með fullt af gjöfum fyrir okkur.“ „Já, einmitt. Þá leið okkur eins og við værum ótrúlega fræg því við fengum gjafir og það voru allir að biðja okkur um eiginhandaráritun. Það voru meira að segja einhverjir tveir unglingsstrákar sem voru búnir að bíða allan daginn eftir að sjá okkur,“ segir hún hlæjandi en bætir svo við: „Þetta tengist líka því að í Japan er ákveðinn hópur fólks sem hittist og hefur áhuga á íslenskri tónlist og var því búinn að hlusta á tónlistina okkar.“ Þegar þau voru að byrja að túra fyrst var kannski lúxusinn ekki í miklum forgangi, heldur löngunin til að spila höfð fyrst og fremst að leiðarljósi. „Fyrst vorum við oft að gista hjá kunningjafólki eða umboðsmaðurinn okkar reddaði gólfplássi hjá félaga sínum,“ segir Úlfur. „Það var svo kannski oftast þannig að allir meðlimir bandsins voru að gista í rúmi fyrir tvo,“ segir Júlía og þau hlæja bæði.Kötturinn með smá dívustæla Í febrúar er von á stuttskífu frá sveitinni en á henni eru lög sem þau hafa legið á í nokkur ár. Á henni verður meðal annars lagið Spare Room, en tónlistarmyndband við það kom út í síðustu viku. Í því eru trommuleikari sveitarinnar og Mía, köttur móður Úlfs, með stórleik. „Baldvin Vernharðsson og Pétur Már Pétursson voru með okkur í að gera myndbandið. Það samstarf hófst fyrir tveimur árum,“ segir Úlfur.Var kötturinn svona erfiður að það tók tvö ár að gera myndbandið? „Nei, alls ekki. Við tókum sko köttinn ekki upp, hann var „fótósjoppaður“ inn á eftir. Rúnar, trommuleikarinn okkar, lék bara á móti svona grænum bolta, svo var þetta allt eftirvinnsla,“ segir Úlfur.Í alvöru? „Nei,“ svarar Úlfur hlæjandi. „En það væri rosalega fyndið, því kötturinn er mjög mikið í myndbandinu. Rúnar var mjög góður. Mía var aðeins erfiðari því hún vildi bara vera undir rúmi, sem var flókið fyrir Rúnar. Svo höfðum við önnur skot í huga, en þetta var leyst að lokum með mútum á borð við fisk og kisunammi.“ Þau segja íslenskan veruleika einfaldlega vera þannig að hlutir gerist stundum hægt. Myndbandið hafi í raun verið klárað í vor en þeim fannst myndbandið og lagið vera frekar haustlegt, svo þau biðu með útgáfuna. Myndbandið var frumsýnt á heimasíðunni Uproxx, en þau eru mjög þakklát metnaðarfullum umboðsmanni sínum. „Hann heyrði tónlistina okkar í Tólf tónum fyrir fjórum árum og var svo heillaður að hann spurði hvað hann væri að hlusta á og keypti diskinn. Svo keyrði hann í kringum landið og hlustaði ekki á neitt annað en diskinn okkar. Síðan hafði hann samband við okkur og vildi endilega verða umboðsmaðurinn okkar,“ segir Júlía. Birtist í Fréttablaðinu Tónlist Mest lesið Af vængjum fram: „Ég ætla ekkert að fara að gráta hérna“ Lífið Fréttatía vikunnar: Forsetakosningar, sjóslys og mýflugnafaraldur Lífið Öll með aðstöðu til að fagna sigri með stuðningsmönnum Lífið Hönnunarhús Markúsar Mána og Kristínar til sölu Lífið Heitustu trendin fyrir sumarið 2024 Lífið „Blessunarlega ekkert stoppaður af foreldrum mínum“ Tíska og hönnun „Fengum ekki sjokk, en við fengum sjokk að hann væri með hjartagalla“ Lífið Setja upp söngleiki, leikrit og tónleika í Háskólabíó í sumar Lífið Hafa ekki sést saman í sjö vikur Lífið Andri og Erla selja í Seljunum Lífið Fleiri fréttir Fréttatía vikunnar: Forsetakosningar, sjóslys og mýflugnafaraldur Af vængjum fram: „Ég ætla ekkert að fara að gráta hérna“ Öll með aðstöðu til að fagna sigri með stuðningsmönnum Setja upp söngleiki, leikrit og tónleika í Háskólabíó í sumar Hönnunarhús Markúsar Mána og Kristínar til sölu Myndaveisla: Sællegar skvísur í sumarfíling Andri og Erla selja í Seljunum „Fengum ekki sjokk, en við fengum sjokk að hann væri með hjartagalla“ Hafa ekki sést saman í sjö vikur Elísabet og Áki nefndu stúlkuna Fantaflott með frönskum gluggum í Vesturbænum Heitustu trendin fyrir sumarið 2024 „Lítið rauðhært kríli væntanlegt í nóvember“ Segir sjálfsvígin sárust Elín Hall í rándýrum kjól á rauða dreglinum Bein útsending frá svartþrastahreiðri í Hvalfjarðarsveit Ásdís Rán býður forsetaefnum á rauða dregilinn Horfir vonandi niður af himnum og sér börnin blómstra á bóndabænum Smekklegt einbýli í Fossvogi á 230 milljónir Af vængjum fram: „Krakkar, ekki gera þetta heima“ Þórdís Björk og Júlí Heiðar eignuðust hárprúða stúlku Föruneyti Pingsins: Enn barist í Baldurs Gate Forseti Hæstaréttar og Kristján Loftsson í gámapartýi Óvænt að „gáfumannarapparar“ herji stríð af þessu tagi Matti og tengdó selja 220 milljóna króna einbýlishús Baltasar og Sunneva afhjúpa kynið Endurtekið hvött til að hvíla bláa litinn Gleðitár hjá hundrað konum á Geysi Af vængjum fram: Búlgörsku mafíunni að mæta yrði Ásdísi dömpað „Eru endaþarmsmök hættuleg?“ Sjá meira
Hljómsveitin Oyama hefur legið í örlitlum dvala en snýr nú aftur af fullum krafti og gaf út á dögunum myndband við lagið Spare Room, sem verður á væntanlegri stuttskífu sveitarinnar. Hljómsveitin hefur starfað í þeirri mynd sem hún er í núna síðan í byrjun árs 2012 en þá gengur Júlía Hermannsdóttir til liðs við okkur,“ segir Úlfur Alexander Einarsson, gítarleikari og annar söngvari sveitarinnar. Bergur, fyrrverandi bassaleikari Oyama, komst svo að orði að þau spiluðu svokallað sveimrokk, sem væri íslensk þýðing á orðinu „shoegaze“. Það er rólegt, melódískt og draumkennt rokk og vísar nafnið á tónlistarstefnunni til þess að tónlistarfólkið horfði oft á skóna sína frekar en áhorfendur meðan á tónleikum stóð.Gestrisnir Japanir „Við höfum spilað í Bretlandi, Hollandi, Frakklandi, Noregi og víðar. Síðan þegar stóra platan okkar kom út , 2014, þá kom hún líka út í Japan í gegnum Imperial Records. Þá tókum við smá túr þar, sem var mjög skemmtilegt. En við höfum spilað oftast í Bretlandi,“ segir Úlfur. „En aðdáendur okkar eru frekar dreifðir og þjappast ekkert endilega allir saman á einn stað, heldur er þetta bara fólk úti um allan heim sem hefur áhuga á þessari tónlistarstefnu. Það var samt mjög skemmtilegt í Japan eins og Úlfur sagði,“ segir Júlía.Júlía teiknaði myndina sem fylgir laginu Spare Room.„Þar er einhver hefð fyrir því að sé maður að koma langt að, þá koma aðdáendur með fullt af gjöfum fyrir okkur.“ „Já, einmitt. Þá leið okkur eins og við værum ótrúlega fræg því við fengum gjafir og það voru allir að biðja okkur um eiginhandaráritun. Það voru meira að segja einhverjir tveir unglingsstrákar sem voru búnir að bíða allan daginn eftir að sjá okkur,“ segir hún hlæjandi en bætir svo við: „Þetta tengist líka því að í Japan er ákveðinn hópur fólks sem hittist og hefur áhuga á íslenskri tónlist og var því búinn að hlusta á tónlistina okkar.“ Þegar þau voru að byrja að túra fyrst var kannski lúxusinn ekki í miklum forgangi, heldur löngunin til að spila höfð fyrst og fremst að leiðarljósi. „Fyrst vorum við oft að gista hjá kunningjafólki eða umboðsmaðurinn okkar reddaði gólfplássi hjá félaga sínum,“ segir Úlfur. „Það var svo kannski oftast þannig að allir meðlimir bandsins voru að gista í rúmi fyrir tvo,“ segir Júlía og þau hlæja bæði.Kötturinn með smá dívustæla Í febrúar er von á stuttskífu frá sveitinni en á henni eru lög sem þau hafa legið á í nokkur ár. Á henni verður meðal annars lagið Spare Room, en tónlistarmyndband við það kom út í síðustu viku. Í því eru trommuleikari sveitarinnar og Mía, köttur móður Úlfs, með stórleik. „Baldvin Vernharðsson og Pétur Már Pétursson voru með okkur í að gera myndbandið. Það samstarf hófst fyrir tveimur árum,“ segir Úlfur.Var kötturinn svona erfiður að það tók tvö ár að gera myndbandið? „Nei, alls ekki. Við tókum sko köttinn ekki upp, hann var „fótósjoppaður“ inn á eftir. Rúnar, trommuleikarinn okkar, lék bara á móti svona grænum bolta, svo var þetta allt eftirvinnsla,“ segir Úlfur.Í alvöru? „Nei,“ svarar Úlfur hlæjandi. „En það væri rosalega fyndið, því kötturinn er mjög mikið í myndbandinu. Rúnar var mjög góður. Mía var aðeins erfiðari því hún vildi bara vera undir rúmi, sem var flókið fyrir Rúnar. Svo höfðum við önnur skot í huga, en þetta var leyst að lokum með mútum á borð við fisk og kisunammi.“ Þau segja íslenskan veruleika einfaldlega vera þannig að hlutir gerist stundum hægt. Myndbandið hafi í raun verið klárað í vor en þeim fannst myndbandið og lagið vera frekar haustlegt, svo þau biðu með útgáfuna. Myndbandið var frumsýnt á heimasíðunni Uproxx, en þau eru mjög þakklát metnaðarfullum umboðsmanni sínum. „Hann heyrði tónlistina okkar í Tólf tónum fyrir fjórum árum og var svo heillaður að hann spurði hvað hann væri að hlusta á og keypti diskinn. Svo keyrði hann í kringum landið og hlustaði ekki á neitt annað en diskinn okkar. Síðan hafði hann samband við okkur og vildi endilega verða umboðsmaðurinn okkar,“ segir Júlía.
Birtist í Fréttablaðinu Tónlist Mest lesið Af vængjum fram: „Ég ætla ekkert að fara að gráta hérna“ Lífið Fréttatía vikunnar: Forsetakosningar, sjóslys og mýflugnafaraldur Lífið Öll með aðstöðu til að fagna sigri með stuðningsmönnum Lífið Hönnunarhús Markúsar Mána og Kristínar til sölu Lífið Heitustu trendin fyrir sumarið 2024 Lífið „Blessunarlega ekkert stoppaður af foreldrum mínum“ Tíska og hönnun „Fengum ekki sjokk, en við fengum sjokk að hann væri með hjartagalla“ Lífið Setja upp söngleiki, leikrit og tónleika í Háskólabíó í sumar Lífið Hafa ekki sést saman í sjö vikur Lífið Andri og Erla selja í Seljunum Lífið Fleiri fréttir Fréttatía vikunnar: Forsetakosningar, sjóslys og mýflugnafaraldur Af vængjum fram: „Ég ætla ekkert að fara að gráta hérna“ Öll með aðstöðu til að fagna sigri með stuðningsmönnum Setja upp söngleiki, leikrit og tónleika í Háskólabíó í sumar Hönnunarhús Markúsar Mána og Kristínar til sölu Myndaveisla: Sællegar skvísur í sumarfíling Andri og Erla selja í Seljunum „Fengum ekki sjokk, en við fengum sjokk að hann væri með hjartagalla“ Hafa ekki sést saman í sjö vikur Elísabet og Áki nefndu stúlkuna Fantaflott með frönskum gluggum í Vesturbænum Heitustu trendin fyrir sumarið 2024 „Lítið rauðhært kríli væntanlegt í nóvember“ Segir sjálfsvígin sárust Elín Hall í rándýrum kjól á rauða dreglinum Bein útsending frá svartþrastahreiðri í Hvalfjarðarsveit Ásdís Rán býður forsetaefnum á rauða dregilinn Horfir vonandi niður af himnum og sér börnin blómstra á bóndabænum Smekklegt einbýli í Fossvogi á 230 milljónir Af vængjum fram: „Krakkar, ekki gera þetta heima“ Þórdís Björk og Júlí Heiðar eignuðust hárprúða stúlku Föruneyti Pingsins: Enn barist í Baldurs Gate Forseti Hæstaréttar og Kristján Loftsson í gámapartýi Óvænt að „gáfumannarapparar“ herji stríð af þessu tagi Matti og tengdó selja 220 milljóna króna einbýlishús Baltasar og Sunneva afhjúpa kynið Endurtekið hvött til að hvíla bláa litinn Gleðitár hjá hundrað konum á Geysi Af vængjum fram: Búlgörsku mafíunni að mæta yrði Ásdísi dömpað „Eru endaþarmsmök hættuleg?“ Sjá meira