Stærri leitaraðgerðum frestað í leitinni að Rimu

Lögreglan á Suðurlandi hefur í samráði við svæðisstjórn björgunarsveita tekið þá ákvörðun að fresta skuli stærri aðgerðum í leitinni að Rimu Grunskyté Feliksasdóttur sem leitað hefur verið að við suðurströndina undanfarna daga.

Í tilkynningu lögreglunnar á Suðurlandi segir að fyrirhugað sé að kalla til „stórrar“ leitar um næstu helgi þegar veðurspá sé hagstæð.

Í dag var leitað á svæði sem náði austur af Þjórsá til Kúðafljóts. Leitað var á landi og úr lofti en bar leit ekki árangur. Aðstæður voru erfiðar og gerði blautt færi, ísskarir og veðrið leitarmönnum erfitt fyrir.