Útilokar ekki að taka við Everton í framtíðinni þrátt fyrir tenginguna við erkifjendurna
Rafael Benitez, stjóri kínverska félagsins Dalian Yifang, útilokar ekki að taka við Everton í framtíðinni þrátt fyrir að hann hafi verið þjálfari erkifjendanna í Liverpool á árum áður.
Benitez var gestur Monday Night Football á Sky Sports í gær var sem hann fór rætti margt og mikið en lærisveinn hans Jamie Carragher var einnig í settinu.
Carragher spurði hann út í þær sögusagnir um að spænski stjórinn væri orðaður við Everton og Benitez svaraði því.
„Augljóslega þá hef ég tengingar við Liverpool en á sama tíma á fjölskyldan marga vini í borginni. Bæði stuðningsmenn Everton og Liverpool. Það eru ekki nein vandamál með stuðningsmennina,“ sagði Benitez í þættinum í gær.
„Auðvitað erum við tengdari Liverpool en ég er atvinnumaður og í framtíðinni veistu aldrei. Ímyndaðu þér að ég vil vera á Englandi og vera nærri fjölskyldu minni og þetta starf myndi koma upp.“
Former @LFC boss Rafa Benitez refuses to rule out taking the @Everton job on #MNF!
— Sky Sports MNF (@SkySportsMNF) December 9, 2019
Watch more of the superb conversation between him and @carra23 on Monday Night Football live on Sky Sports Premier League.
Reaction online here: https://t.co/5m84PyxkTG pic.twitter.com/X35mwgixIr
Á meðan Benitez starfaði hjá Liverpool kom hann í viðtal þar sem hann sagði að Everton væri lítið félag og hann sér eftir því.
„Ég gerði mistök. Ég ætlaði að segja að þeir væru lítið lið því þeir áttu bara eitt færi gegn okkur og vörðust of neðarlega. Stuðningsmenn Liverpool voru ánægðir en Everton ekki . Ég ætlaði ekki að segja að þeir væru lítið félag heldur lítið lið á þeim tíma.“
„Ég á í góðri tengingu við samfélagið í borginni, ekki bara stuðningsmenn Liverpool, en á þessum tímapunkti er ég ekki að koma aftur því ég er ánægður í Kína.“
„Maður veit svo ekki hvað gerist í framtíðinni. Ég er atvinnumaður og ég elska Liverpool og stuðningsmennina en ég vil halda áfram að vinna við ástríðu mína,“ sagði Benitez.
