Enski boltinn

Liver­pool fremst í röðinni um Jadon Sancho

Anton Ingi Leifsson skrifar
Jadon Sancho fagnar marki í Meistaradeildinni á dögunum.
Jadon Sancho fagnar marki í Meistaradeildinni á dögunum. vísir/getty

Jadon Sancho, framherji Dortmund, sem hefur farið á kostum í Þýskalandi síðustu tvö tímabil mun að öllum líkindum yfirgefa félagið næsta sumar, ef hann fer ekki frá Þýskalandi í janúar.



Sancho er einn heitasti ungi leikmaðurinn í boltanum í dag og mörg stærstu lið Evrópu eru talin horfa til þessa nítján ára gamla Englendings.



Barcelona, Liverpool, Manchester United og Chelsea renna hýru auga til Sancho en Simon Hughes, blaðamaður The Athletic, fjallar um málið.









Simon segir að Liverpool standi framar í röðinni en grannar sínir á Englandi, Man. United og Chelsea. Gamla félag Sancho, Man. City, er ekki talið hafa áhuga á að fá Sancho á nýjan leik.



Englendingurinn hefur skorað tíu mörk og gefið ellefu stoðsendingar í öllum keppnum á þessari leiktíð en á síðustu leiktíð skoraði hann tólf mörk og gaf sautján stoðsendingar.





Tengd skjöl




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.