Sport

Björgvin Karl kominn upp í sjötta sætið

Óskar Ófeigur Jónsson skrifar
Björgvin Karl Guðmundsson.
Björgvin Karl Guðmundsson. Mynd/Instagram/dxbfitnesschamp

Björgvin Karl Guðmundsson náði fimmta sæti í fjórðu greininni á Dubai CrossFit Championship.

Fimmta sætið skilaði Björgvini Karli 80 stigum og hann er í sjötta sæti í heildarkeppninni eftir tvo fyrstu keppnisdagana. Björgvin byrjaði daginn í níunda sæti.

Í fjórði greininni var komið að ólympískum lyftingum því keppendur reyndu sig í jafnhendingu (Clean & Jerk). Hver keppandi fékk 30 sekúndur til að klára hverja jafnhendingu og gat hver keppandi ráðið þyngdinni sem hann reyndi við.

Björgvin Karl lyfti 160 kílóum í lokalyftu sinni en hann hafði áður lyft 150 kílóum í fyrstu tilraun og 156 kílóum í annarri tilraun.

Það var mikil spenna í riðli Björgvin og það reyndi mikið á okkar mann því hann þurfti alltaf að lyfta fyrstur í hverri umferð. Björgvin þurfti þar með að velja þyngdina á undan öllum hinum.

Sara Sigmundsdóttir vann þessa grein hjá konunum þegar hún lyfti mest 112 kílóum en með því komst hún upp í fyrsta sætið í heildarkeppninni.

Oddrún Eik Gylfadóttir endaði í 18. sæti í fjórðu greininni og er í 22. sæti samanlagt.

Katrín Tanja Davíðsdóttir varð að hætta við keppni á mótinu vegna bakmeiðsla.

Keppnin heldur síðan áfram á morgun og lýkur svo á laugardaginn.

Það má sjá útsendinguna frá keppninni í dag hér fyrir neðan.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.